Osasuna punturik gabe geratu da luzapenean, Getaferen etxean (1-0)
Osasunak galdu egin du Getaferen aurka Dario Poveda aurrelariak 93. minutuan sartutako golaren ondorioz.
Oso parekatua izan den lehian, Poveda baino ez da izan gai lehian zehar izandako aukera urrietako bat aprobetxatzeko. Lehen zatian, Getafek bi izan ditu, Enes Ünal turkiarraren burukada pare batekin; Osasuna, bere aldetik, gola egitetik gertu egon da Ruben Garciak areaz kanpotik egindako jaurtiketarekin, baina Soriak ondo erantzun dio.
Bigarrenean, Manu Sanchezen urruneko ahalegina eta Chimy Avila argentinarrak, aldaratze baten ostean, area barrutik egindako saiakera izan ditu bere alde Jagoba Arrasateren taldeak gola lortzeko. Etxekoak ere urrutitik ahalegindu dira Sergio Herreraren atea zulatzen, Carles Aleñaren eta Sandroren zartakoekin, baina arrakastarik gabe haiek ere.
Azkenerako, area txikitik egindako erremate batetik erdietsi dute etxekoek aurretik jartzea; izan ere, Povedak sare barrura bidali du Damian Suarezek partidaren azken hatsean (93. minutua) erdiratutako baloia. Garaipen horrek jaitsiera postuetatik ateratzeko balio die madrildarrei 16 jardunaldiren ostean.
Fitxa teknikoa:
1 - Getafe: Soria; Damián, Djené, Mitrovic, Cuenca (Jankto, 73. min), Olivera; Maksimovic, Arambarri, Aleñá; Sandro (Poveda, 83. min) eta Enes Ünal.
0 - Osasuna: Sergio Herrera; Nacho Vidal, Unai García, Juan Cruz, Manu Sánchez; Moncayola, Torró, Darko (Martínez, 83. min); Rubén García (Roberto Torres, 89. min), Kike Barja (Oier, 83. min) eta Chimy Ávila (Barbero, 89. min).
Gola: 1-0, 93. min: Poveda.
Epailea: José Luis Munuera Montero. Txartel horiak: Sandro, Damián eta Djené (Getafe); Chimy Ávila (Osasuna).
Zure interesekoa izan daiteke
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Osasunak Huesca izango du aurkari Erreginaren Kopako bigarren kanporaketan
Kanporaketa partida bakarrera jokatuko da, Huescaren zelaian, irailaren 29tik urriaren 1era bitartean.
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.