Sailkapenaren gorenean berdinduta egoteko aukera galdu du Osasunak 90. minutuan (1-1)
Granadak Osasunaren garaipena ekidin du 90. minutuan, Montororen gola dela medio. Andaluziarrek Chimy Avilaren hasierako gola orekatu dute ia amaieran, eta, ondorioz, talde nafarrak ezin izan du 20 puntu dituen Realarekin bat egin sailkapenaren lehen postuan.
Sadar galaz jantzi da bere taldeari harrera egiteko. Serafin Zubirik abestutako La voz de una mendeurreneko ereserkia lagun zutela, Sadarreko zelai gainean talde gorritxoan historia egin zuten hainbat jokalari plazaratu dira, hala nola Martin Monreal, Patxi Puñal edo Javier Castañeda.
Osasunak sailkapeneko lehen postuan kokatu nahi zuen beste garaipen bat lortuta (hiru zeramatzan jarraian), eta horixe ikustera bertaratu dira 21.128 ikusle, denboraldiko jendetzarik handiena.
Zelai erdia bereganatzeko borrokak lehen zatian apenas aukerarik egotea ekarri zuen berekin. Izan zen bakanetako batean, 24. minutuan, Granadak gertu izan zuen gola, Sergio Herreraren hutsegite bat baliatuta. Izan ere, atezaina bere aterantz korrika egin beharrean egon zen, buruarekin baloi bat gaizki aldendu ondoren. Rochina egoera hori aprobetxatzen saiatu zen, baloia urrutitik jota, baina gorritxoen atezainak garaiz erreakzionatu du baloia geldiarazteko.
Bazirudien etxeko zaleek 0-0arekin afalduko zutela, baina Chimy Avilak eragotzi egin du. Aurrelari argentinarrari baloia iritsi zaio area barruan, Coteren erremate txar baten osteko aldaratzean, eta ezker hankarekin arerioen atea zulatu du lehen zatiko 44. minutuan.
Bigarren zatiari ekin eta 15 minutura, Roberto Torresek aukera argia izan du gorritxoen bigarrena egiteko, baina Abram andaluziarren atzelariak bikain desegin du arriskua, lurretik altxatu eta baloia buruz aldenduz.
Jagoba Arrasatek Jon Moncayola zelairatu du, Osasunaren zelai erdia indartzeko. Itxura zeukan etxekoek egoera kontrolpean zutela, baina zorigaiztoko jokaldi batek hankaz gora jarri du norgehiagoka. Granadak baloi bat lapurtu du zelai erdian, eta Luis Suarez aurrelaria Sergio Herreraren aurrean bakar-bakarrik geratu behar zela ikusi duenean, Cotek falta egin dio . Epaileak ez du zalantzarik izan, eta txartel gorria atera dio hegaleko asturiarrari.
Bat gehiagorekin zegoela, Granada berdinketaren bila joan da. Hala, 90. minutuan, Montorok ezin hobeto ikusi du Herrera aurreratuta zegoela, eta baloia urrutitik jaurtiz partida berdindu du.
Fitxa teknikoa:
1 – Osasuna: Sergio Herrera; Nacho Vidal, Unai García, David García, Cote; Torró; Roberto Torres (Javi Martínez, 79. min), Oier (Moncayola, 67. min), Darko (Juan Cruz, min. 79), Rubén García (Manu Sánchez, 79. min); Chimy Ávila (Kike García, 67. min).
1 – Granada: Maximiano; Quini (Arias, 71. min), Víctor Díaz, Luis Abram, Carlos Neva (Montoro, 83. min); Rochina, Gonalons (Monchu, 38. min), Luis Milla; Bacca (Molina, 71. min), Luis Suárez, Machís (Escudero, 83. min).
Golak: 1-0, 45. min: Chimy Ávila. 1-1, 90. min: Montoro.
Epailea: Muñiz Ruiz. Txartel horiak: Nacho Vidal (Osasuna); Abram, Bacca eta Rochina (Granada). Cote kaleratu du txartel gorri zuzena aterata (74. min), Luis Suarez Sergio Herreraren aurrean bakar-bakarrik gera zedila ekidin duenean.
Zure interesekoa izan daiteke
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.
Ramis: “Oso garrantzitsua zen etxetik kanpo indartsu lehiatu gaitezkeenaren sentsazioa izatea”
Osasunak markagailua irauli du Celtaren aurka, denboraldiko lehen garaipena lortuz (1-2). Luis Miguel Ramisek azpimarratu du garaipen hori merezi zutela, bat gehiagorekin egoteak abantaila eman dien arren. (Bideoa gazteleraz)
Osasunak markagailua irauli eta garaipena eskuratu du Balaidosen
Aspasek aurretik jarri ditu etxekoak, baina Marcos Alonsoren kanporaketak partida aldatu du eta Barjak eta Budimirrek markagailua irauli dute.
Ramis, Celtaren aurkako partidari buruz: “Etxetik kanpo garaipena lortzeko gogoz goaz”
Luis Miguel Ramis Osasunaren entrenatzaileak gorritxoek ostegun honetan Celtaren aurka jokatuko duten partidaren analisia egin du prentsaurrekoan.
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.