Osasunak kale egin du Sadarren, Betisekin 0-2 galduta
Osasunak galdu egin du Sadarren Betisen aurka LaLigako 12. jardunaldian jokatutako partida. Nafarrek neurketa txarra jokatu dute, eta andaluziarrek bigarren zatian egindako golekin eraman dituzte hiru puntuak.
Bi taldeak puntu beharrarekin iritsi dira partidara, baina oso aukera gutxi sortu dituzte. Lehen zatia kaskarra izan da, Budimirrek izan du aukerarik argiena, eta gola sartu du, baina VAR laguntzaile teknikoak baliogabe utzi du jokoz kanpoko posizioagatik.
Jokaldi hori kenduta, nafarrek ez dute hiru zutoinen artean jaurtiketarik egin, Jagoba Arrasate entrenatzailearen etsipenerako.
Bigarren zatian, jokoak ez du hobera egin. Hala ere, Betisek aurrea hartu du markagailuan Borja Iglesiasek 76. minutuan egindako golari esker, ia urtebete golik sartu gabe eman ostean.
Gorritxoek, aldiz, ez dute arriskurik sortu Joel atezainaren inguruan. Andaluziarren entrenatzaileak Miranda zelairatu du bigarren zatian eta honek bigarren gola egin du partidaren luzapenean. Azkenean, 0 eta 2 Sadarren.
Fitxa teknikoa
0 – Osasuna: Sergio Herrera; Roncaglia, Aridane, David García, Íñigo Pérez (Íñigo Pérez, 80. min); Roberto Torres, Darko (Oier, 45. min), Moncayola, Rubén García (Kike Barja, 73. min); Budimir, Gallego (Calleri, 65. min).
2 – Betis: Joel Robles; Emerson, Bartra, Víctor Ruiz, Álex Moreno; Ruibal (Miranda, 84. min), Guido Rodríguez, Carvalho, Guardado (Joaquín, 82. min); Fekir (Sidnei, 92. min), Loren (Borja Iglesias, 72. min).
Golak: Borja Iglesias 0-1 (76. min), Juan Miranda 0-2 (91. min).
Zure interesekoa izan daiteke
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.
Alessio Lisci: "Mallorcaren aurkako partida oso garrantzitsua da"
Osasunako entrenatzaileak prentsaurrekoa eman du bihar Mallorcaren aurka jokatuko duten partidaren atarian. "Gogo handia dugu, partida oso garrantzitsua da, finalaren tankera duen neurketa", azpimarratu du. "Irabaziz gero, ez ginateke matematikoki salbatuta egongo, baina bai birtualki", adierazi du.
Braulio Vazquez: “Egon nahi dudan lekuan nagoela erakutsi dut, zoriontsu naizen lekuan”
Braulio Vazquez aurkeztu dute Osasunako kirol zuzendari 2029ra arte. Galiziarra Osasunan kirol zuzendari gisa denbora gehien egon den gizona izango da. Prentsaurrekoan adierazi duenez, "hori niretzat harro egoteko modukoa da", eta klub garrantzitsuen aukerak izan dituela gaineratu du.
Braulio Vazquez kirol zuzendariak Osasunarekin berritu du, 2029ra arte
Jose Antonio Prieto Cata futbol profesionaleko idazkari teknikoak ere sinatu du berritzea Nafarroako klubarekin. Braulio 2017an iritsi zen Osasunara, eta kargua bere gain hartu zuenetik, talde gorritxoa Lehen Mailara igo zen 2019an, sei aldiz eutsi dio mailari, Errege Kopako final bat jokatu du, eta Konferentzia Ligan ere izan da.
Lisci: "Agian 0-0eko partida izan da, baina futbolean golak sartu behar dira"
Osasunako entrenatzaileak partida amaitu ostean emandako prentsaurrekoan adierazi duenez, igande honetan Valentziaren aurka Mestallan jokatu duten neurketa "agian" 0-0ekoa izan da, eta ez 1-0ekoa, baina "futbolean golak sartu behar dira".
Osasunak atera jaurti gabe galdu du Valentziaren aurka (1-0)
Arrisku gutxiko partida izan da bi aldeetatik, eta Ramazanik penaltiz egin duen gola izan da atera egin duten jaurtiketa bakarra.
Moncayola: "Gaur erakutsi dugu taldea ondo dagoela, liderren aurka garaipen borobila lortuta"
Jon Moncayola Osasunako jokalariaren adierazpenak, EA Sports Ligako 25. jardunaldiko partidan Real Madril 2-1 garaitu ostean.
Raul Garciak azken minutuetan sartutako gol bikainak garaipena eman dio Osasunari Real Madrilen aurka (2-1)
Lehenengo gola Budimirrek egin du lehen zatian, penaltiz. Bigarrenezn, Viniciusek banakoa egin du 73. minutuan, eta, luzapenean, Raul Garciak garaipena eman die nafarrei.
Lisci: "Real Madrilen aurkako partidetan Sadarreko giroa ikaragarria izaten dela esan didate"
Real Madrilen aurkako neurketa jokatu aurreko prentsaurrekoan esan duenez, Osasunako entrenatzaileak badaki Madrilgo taldearen aurkako partidetan Sadarren giro "ikaragarria" izaten dela.
Alessio Lisci: "Talde batek irabaztekotan, Elxek irabazi behar zuen"
Osasunako entrenatzaileak Elxen aurkako berdinketaz (0-0) hitz egin du EA Sports Ligako 24. jardunaldian. (Adierazpenak gazteleraz)