Eibarrek Fernando Llorente fitxatu du
Eibarrek ofizial egin du Fernando Llorente Athleticeko jokalari ohia fitxatu duela aurtengo denboraldiaren amaierara arte.
Asteazken goizean bi aldeen artean aurreakordio bat zegoela iragarri ondoren, arratsaldean, talde armaginak kontratuaren sinaduraren berri eman du, aurrelariak osasun-azterketak gainditu eta gero.
Gipuzkoako taldeak azaldu duenez, jokalaria libre iritsiko da Gaizka Garitanok zuzentzen duen taldera (une honetan ez zegoen inon jokatzen), eta joan zen astean larri lesionatu zen Franchu Feuillassier argentinarrak utzitako hutsunea beteko du. Argentinarrak ezker belauneko aurrealdeko lotailu gurutzatua hautsi zuen.
Horrenbestez, Llorenteren fitxaketak SmartBank Ligako sailkapenaren bigarren postuan dagoen taldearen erasoko lerroa indartuko du.
Iruñean jaiotako aurrelariak 36 urte ditu (1985) egun, eta bere kirol-ibilbide luzean Athletic, Juventus, Sevilla, Swansea, Tottehanm Hostpur, Napoles eta Udinese taldeetan aritu da. Espainiako selekzio absolutuarekin ere hainbat aldiz jardun du, eta, besteak beste, 2010ean, Hegoafrikan Munduko Txapelketa irabazi zuen taldean parte hartu zuen.
Llorente talde armaginak 2021-22 denboraldiari begira fitxatu duen hamabosgarren jokalaria da.
Llorente: "Onena emateko gogoz"
Jokalariak klubeko hedabide ofizialei adierazi dienez, "ilusio handiz" eta bere "onena emateko gogoz" dago. "Taldearen indarra taldea bera da. Taldekide bat gehiago izateko eta nire aletxoa ekartzeko asmoz nator. Nire sasoi onenean egotea espero dut, Eibarri laguntzeko".
Denboraldia hasi zenetik talderik gabe egon arren, Llorente bere kabuz aritu da entrenatzen sasoiari eusteko eta "taldera ahalik eta azkarren egokitzeko gogo handiarekin" dago.
"Badakit erraza izango dela eta ez zaidala gehiegi asko kostako, talde zoragarria dela esan didatelako. Denak ezagutzeko gogoa dut, eta lehenbailehen lanean hastekoa. Eibar txapelketa hasiera bikaina egiten ari da, nahiz eta lehendabiziko partidak nahi bezalakoak ez izan. Garaipen asko kateatu dituzte, eta egoera ezin hobean dago".
Zure interesekoa izan daiteke
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.
Maria Carvajal, Eibarreko erdilari berria, Juventusek utzita
Corteganan (Huelva) jaio zen 2008an, eta 15 urterekin egin zuen debuta Lehen Mailan, Sporting Huelvarekin. Urtebeteko kontratua izango du talde armaginean.
Eibarrek Unai Elgezabal aurkeztu du: “Badakit hemengo jokalarien maila oso ona dela”
Erdiko atzelaria talde armaginera bueltatu da; azken bi denboraldiak Levanten eman ditu. Ipuruan izan da aurkezpena, ostegunean.
Eibarrek Unai Elgezabal fitxatu du, 2026-2027 denboraldirako
Erdiko atzelari bizkaitarra Levante taldetik iritsi da Eibarrera. Elgezabalek, 33 urtekoa bera, esperientzia du talde armaginean; izan ere, duela hamar urte ere aritu zen bertan. Gainera, Angel Tronchok ez du jarraituko Jokin Aranbarriren taldean.
Emma Moreno Eibarrera itzuli da, Atletico Madrilek utzita
Madrildarra joan den udan iritsi zen lehen aldiz talde armaginera, 19 urtez azpiko Europako txapeldun izan ondoren. Guztira, 29 partidatan parte hartu zuen iragan denboraldian, eta 1.500 minututik gora jokatu zituen.
Eibarrek iragarri du Javi Martinezek ez duela klubean jarraituko
Soriako jokalaria 2025eko neguko merkatuan iritsi zen Ipuruara, Osasunatik, eta Eibarren ibili den urte eta erdian 14 partida jokatu ditu, eta gol bat sartu. Eldensen ariko da aurrerantzean.
Marianna Seidl estatubatuarra, Eibarren hamargarren aurpegi berria
Ezker hegalekoa Brisbane Roar taldetik heldu da, Australiatik.