Eibarrek galdu egin du, etxetik kanpo geldiezin dabilen Cadizen aurka (0-2)
Eibar galtzaile atera da etxean Cadizen aurka jokatutako partidatik. Andaluziarrak bikain ari dira etxetik kanpo eta euren zelaitik urruti jokatutako lau partidak irabazi dituzte. Gaurko hiru puntuei esker, gainera, lider dira sailkapenean, Realarekin puntuetara berdinduta.
Armaginek ondo hasi dute neurketa, jokoaren kontrola izan dute eta golaren bila aritu dira.
Baina Mendilibarren taldea erosoago jokatzen aritu denean iritsi da Cadizen lehenengo gola. 35. minutuan, Lozanok baloia erdiratu du eta Alvaro Negredok buruarekin errematatu du Dmitrovicen atea zulatuz.
Handik hiru minutura, Salvik jokaldia egin du eta bere errematea eibartarren atearen barruan sartu da.
Bigarren zatiaren hasieran, andaluziarrek beste gol bat egin dute baina epaileak baliorik gabe utzi du Lozano jokoz kanpo zegoela adierazita.
Eibarri kosta egin zaio jokoa lehen zatian bezala kontrolatzea, gipuzkoarrak ez dira atsedenaldiaren aurretik bezain eroso egon eta Cadiz, berriz, 0 eta 2 aurretik izanda, askoz lasaiago aritu da.
Azkenean, 0 eta 2 Ipuruan eta hiru puntuak Andaluzia aldera joan dira.
Fitxa teknikoa
0 - Eibar: Dmtrovic; Pozo, Olveira, Burgos (Rafa Soares, 81. min), Arbilla, Diop (Expósito, 46. min), Sergio Álvarez, Rodrigues (Kadzior, 75. min), Bryan, Inui (Enrich, 46. min) eta Kike García (Muto, 81. min).
2 - Cadiz: Ledesma, Akapo, Fali, Cala, Espino, Salvi (Alejo, 61. min), José Mari (Augusto, 80. min), Jonsson (Garrido, 80. min), Alex, Lozano (Malbasic, 71. min) eta Negredo (Bodiger, 80. min).
Golak: 0-1, 36. min: Negredo. 0-2, 39. min: Salvi.
Zure interesekoa izan daiteke
Sufrituta irabazi dio Eibarrek Andorrari (0-1)
Jokin Aranbarriren taldeak Aleix Garridok bigarren zatiaren hasieran sartu duen gola baliatu du 3 puntuak eskuratzeko, baina etxeko taldearen setioari eutsi behar izan dio, epaileak Jon Magunazelaia kanporatu ostean armaginak jokalari bat gutxiagorekin geratu baitira.
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.
Maria Carvajal, Eibarreko erdilari berria, Juventusek utzita
Corteganan (Huelva) jaio zen 2008an, eta 15 urterekin egin zuen debuta Lehen Mailan, Sporting Huelvarekin. Urtebeteko kontratua izango du talde armaginean.
Eibarrek Unai Elgezabal aurkeztu du: “Badakit hemengo jokalarien maila oso ona dela”
Erdiko atzelaria talde armaginera bueltatu da; azken bi denboraldiak Levanten eman ditu. Ipuruan izan da aurkezpena, ostegunean.
Eibarrek Unai Elgezabal fitxatu du, 2026-2027 denboraldirako
Erdiko atzelari bizkaitarra Levante taldetik iritsi da Eibarrera. Elgezabalek, 33 urtekoa bera, esperientzia du talde armaginean; izan ere, duela hamar urte ere aritu zen bertan. Gainera, Angel Tronchok ez du jarraituko Jokin Aranbarriren taldean.