Eibarrek porrota jaso du Ipuruan jaun eta jabe izan den Bartzelonaren aurka (0-3)
Eibarrek porrota jaso du Ipuruan bere aurpegirik onena eskaini duen Bartzelonaren aurka. Talde kataluniarrak gainera, Ipuruan erdietsitako hiru puntuei esker, lidergoa eskuratu du, Real Madrilek larunbat honetan bederatzigarren jardunaldiko partida jokatu bitartean.
Antoine Griezmannek egin du Bartzelonaren aurreneko gola eta lehen zatiko bakarra.
Lehen zati horri dagokionez, azpimarragarria dugu armaginek lehen zatian egindako presioa eta Dmitrovicek Messiri egindako geldialdia.
Atsedenaldiaren ostean, berriz, Bartzelona jaun eta jabe izan da eta Messi eta Suarezek jarraipena eman diote Griezmannekin egindako golari.
Argentinarrak arestian aipatutako geldialdia gogoan zuen eta burugogorra den aldetik, sentsazio hori irauli nahi izan du, Dimitrovicen atean gola eginez eta lortu ere, berak egin baitu Bartzelonaren bigarrena.
Gainera, jokalari ona izateaz gain, eskuzabala ere badela erakutsi du Messik, Eibarri baloia kendu eta erasoan abiatu direnean, Suarezi laga baitio jokaldia berak bukatu zezan. Gauzak horrela, Suarezen eskutik iritsi da Bartzelonaren hirugarrena.
Fitxa teknikoa:
Eibar: Dmitrovic; De Blasis, Oliveira, Arbilla, Cote; Pedro Leon (Edu Exposito, 63.min), Diop, Sergio Alvarez, Orellana; Charles (Kike Garcia, 79.min) eta Sergi Enrich (Inui, 71.min).
Bartzelona: Ter Stegen; Sergi Roberto (Semedo, 46.min), Lenglet, Umtiti, Jordi Alba; Busquets, Arthur (Arturo Vidal, 71.min), De Jong (Rakitic, 79.min); Griezmann, Messi eta Luis Suarez.
Golak: 0-1, 13.min: Griezmann; 0-2, 58.min: Messi; 0-3, 66.min: Suarez.
Epailea: Melero Lopez.
Zure interesekoa izan daiteke
Sufrituta irabazi dio Eibarrek Andorrari (0-1)
Jokin Aranbarriren taldeak Aleix Garridok bigarren zatiaren hasieran sartu duen gola baliatu du 3 puntuak eskuratzeko, baina etxeko taldearen setioari eutsi behar izan dio, epaileak Jon Magunazelaia kanporatu ostean armaginak jokalari bat gutxiagorekin geratu baitira.
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.
Maria Carvajal, Eibarreko erdilari berria, Juventusek utzita
Corteganan (Huelva) jaio zen 2008an, eta 15 urterekin egin zuen debuta Lehen Mailan, Sporting Huelvarekin. Urtebeteko kontratua izango du talde armaginean.
Eibarrek Unai Elgezabal aurkeztu du: “Badakit hemengo jokalarien maila oso ona dela”
Erdiko atzelaria talde armaginera bueltatu da; azken bi denboraldiak Levanten eman ditu. Ipuruan izan da aurkezpena, ostegunean.
Eibarrek Unai Elgezabal fitxatu du, 2026-2027 denboraldirako
Erdiko atzelari bizkaitarra Levante taldetik iritsi da Eibarrera. Elgezabalek, 33 urtekoa bera, esperientzia du talde armaginean; izan ere, duela hamar urte ere aritu zen bertan. Gainera, Angel Tronchok ez du jarraituko Jokin Aranbarriren taldean.