Eibarrek irabazita izan duen partida galdu du, 10 jokalariren aurka
Eibarrek 88. Minutuan 0 eta 2 irabazten Joan den partida galdu du Sanchez Pizjuanen, 84. minututik 10 jokalarirekin jokatu behar izan duen Sevillaren aurka. Gainera, armaginek 0 eta 3koa oso gertu izan dute 1 eta 2koa jaso aurretik.
Jose Luis Mendilibarren taldea andaluziarra baino erritmo gehiagorekin hasi du neurketa. Sevilla galduta ibili da zelai erdian eta zalantza asko agertu ditu defentsan. Hori guztia aprobetxatuta, Orellanak aurretik jarri du Eibar 22. minutuan egindako golarekin.
Lehen zatian ez da egoera aldatu, eta kontrola Eibarrek izan du, Sevillak aukera gutxi batzuk izan dituen arren.
Bigarren zatian, etxekoek intentsitate handiagoa eman diote euren jokoari, baina gola Eibarrek egin du berriro. Sevillak huts egin du defentsan eta Charles Diasek 0 eta 2koa egin du baloia buruarekin errematatuz.
Azkenengo minutuetan gauza asko gertatu dira. Epaileak bigarren txartel horia atera dio Banegari eta Sevilla 10 jokalarirekin geratu da. Ondoren, eta Eibarrek 0 eta 3koa oso gertu izan ondoren (gola balio gabe geratu da jokoz kanpokoagatik) Ben Yedderrek 1 eta 2koa egin du 88.ean, eta Pablo Sarabiak 2 eta 2koa luzapenean.
Fitxa teknikoa
2 - Sevilla: Vaclik; Promes, Kjaer, Carriço (Bryan, 74. min), Wöber, Escudero (Jesús Navas, 61. min); Sarabia, Éver Banega, Roque Mesa (Franco Vázquez, 62. min); Ben Yedder eta André Silva.
2 - Eibar: Riesgo; Peña, Arbilla, Ramis (Paulo, 57. min), Cote; Orellana; Diop, Jordán, Cucurella; Charles (Kike, 83. min) eta Enrich (Escalante, 72. min).
Golak: 0-1, 22. min: Orellana. 0-2, 63. min: Charles. 1-2, 88. min: Ben Yedder. 2-2, 92. min: Sarabia.
Zure interesekoa izan daiteke
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.
Maria Carvajal, Eibarreko erdilari berria, Juventusek utzita
Corteganan (Huelva) jaio zen 2008an, eta 15 urterekin egin zuen debuta Lehen Mailan, Sporting Huelvarekin. Urtebeteko kontratua izango du talde armaginean.
Eibarrek Unai Elgezabal aurkeztu du: “Badakit hemengo jokalarien maila oso ona dela”
Erdiko atzelaria talde armaginera bueltatu da; azken bi denboraldiak Levanten eman ditu. Ipuruan izan da aurkezpena, ostegunean.
Eibarrek Unai Elgezabal fitxatu du, 2026-2027 denboraldirako
Erdiko atzelari bizkaitarra Levante taldetik iritsi da Eibarrera. Elgezabalek, 33 urtekoa bera, esperientzia du talde armaginean; izan ere, duela hamar urte ere aritu zen bertan. Gainera, Angel Tronchok ez du jarraituko Jokin Aranbarriren taldean.
Emma Moreno Eibarrera itzuli da, Atletico Madrilek utzita
Madrildarra joan den udan iritsi zen lehen aldiz talde armaginera, 19 urtez azpiko Europako txapeldun izan ondoren. Guztira, 29 partidatan parte hartu zuen iragan denboraldian, eta 1.500 minututik gora jokatu zituen.
Eibarrek iragarri du Javi Martinezek ez duela klubean jarraituko
Soriako jokalaria 2025eko neguko merkatuan iritsi zen Ipuruara, Osasunatik, eta Eibarren ibili den urte eta erdian 14 partida jokatu ditu, eta gol bat sartu. Eldensen ariko da aurrerantzean.
Marianna Seidl estatubatuarra, Eibarren hamargarren aurpegi berria
Ezker hegalekoa Brisbane Roar taldetik heldu da, Australiatik.