Eibarrek lehen aldiz irabazi nahi dio Real Madrili
Eibarrek Real Madril izango du aurkari larunbat honetan etxean, Ligako 13. jardunaldian. Armaginak sinetsita daude talde madrildarra lehendabizikoz azpiratzeaz, nahiz eta aurrekariak ez diren batere baikorrak, Ipuruan elkarren aurka jokatu dituzten aurreko lau partidetan talde zuria atera baita garaile.
Talde armaginak, gainera, jokalari esanguratsu asko izango ditu jokatu ezinda. Izan ere, Mendilibarrek ezingo ditu erabili Dmitrovic atezaina, Arbilla atzelaria eta Pape Diop erdilaria. Ezta aste honetan bertan beste ebakuntza bat egin behar izan dioten Pedro Leon murtziarra ere. Hutsune horiek gorabehera, entrenatzaile bizkaitarrak ez du bere jokatzeko era Solariren Real Madrilen aurka aritzeko, eta, horrenbestez, baloia Riesgok defendatuko duen atetik ahalik eta urrutien egotea bilatuko du.
Real Madrilen aldetik, berriz, bueltan izango dira zenbait izen garrantzitsu (Dani Carvajal, Raphael Varane eta Marcelo). Itxura guztien arabera, hiru jokalari horiek osatuko dute Madrilen defentsa Sergio Ramosekin batera.
Bestalde, teknikari argentinarraren bajak honako beste hauek izango dira: Keylor Navas, Nacho Fernandez, Sergio Reguilon, Mariano eta Casemiro. Azken horren hutsunea betetzeko anitzak dira aukerak, baina litekeena da Toni Kroosek bere lekua atzeratzea eta haren ordez azken bi neurketetan minuturik izan ez dituen Iscok jokatzea.
Balizko hamaikakoak:
Eibar: Riesgo; Ruben Peña, Paulo, Bigas, Cote; Orellana, Escalante, Sergio Alvarez, Cucurella; Jordan eta Enrich
Real Madril: Courtois; Carvajal, Varane, Sergio Ramos, Marcelo; Kroos, Modric, Isco; Lucas Vazquez, Bale edo Asensio eta Benzema.
Epailea: Martinez Munuera
Zelaia: Ipurua
Ordua: 13:00
Zure interesekoa izan daiteke
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Eibarrek Imanol Garcia de Albeniz fitxatu du, 2029ra arte
Ezker hegaleko atzelari bizkaitarra, 2022-2023 denboraldian, Eibarren aritu zen, Athleticek utzita. Talde armagineko futbolari berria Sparta Pragatik iritsi da; 2025-2026 denboraldia, baina, Andorran eman du, Hypermotion Ligan.
Ivan Gil, Eibarrera bueltan
Erdilari kataluniarrak UD Las Palmasek utzita jokatu zuen talde armaginean eta 2029ra arte sinatu du oraingoan.
Hodei Arrillagak Eibarrekin berritu du 2029ra arte
Eibarko harrobian hezitako ezker hegalekoak beheko kategorietatik lehen taldera arteko ibilbide osoa egin ostean luzatu du klubarekin duen lotura.
Eibarrek Luis Lopezen kontratua 2029ra arte berritu duela iragarri du
Murtziako atezaina 2025eko ekainean iritsi zen armaginen taldera Mirandesetik eta azken denboraldi honetan Errege Kopako hiru partidak jokatu ditu.
Eibarrek Jokin Aranbarri entrenatzaile berria aurkeztu du: “Ohore handia da; lana eta konpromisoa ez dira faltako”
Aranbarrik emozio handiz hitz egin du, Ipuruan, talde armagineko lehen taldeko aulkia bere gain hartzean: “Taldea asko gustatzen zait, egia esan”, nabarmendu du.
Jesus Crespo, “Pejiño", Eibarren lehen fitxaketa 2026-27 denboraldirako
Pejiñoren etorrerarekin Eibarrek erasoko profil moldakorra izango du, desoreka eta bertikaltasuna eragiteko gai izango dena.
Marco Morenok Eibar utziko du Brasilgo Bahia taldera joateko
Atzelari kanariarra iragan denboraldiko udako merkatuan iritsi zen talde armaginera. Moreno hasierako hamaikakoetan izan zen txapelketaren zati handi batean, lesio batek taldetik kanpo utzi zuen arte.
Noe Fernandez, armagin berria
Erdilari avilestarrak 2028ra arte sinatu du Eibarko taldearekin.