Sergi Enrich, zalantza Alavesen aurkako derbirako

Eibar taldeko jokalaria den Sergi Enrich min hartuta dago, eta zalantza da talde armaginak Alavesen aurka igandean Ipuruan (12:00etan) jokatuko duen euskal derbirako. Futbolari kataluniarraren partaidetza egun hauetako eboluzioaren araberakoa izango da.

Klubak publikatu duen osasun-parteak dioenez, Sergi Enrichek "zuntz mikro-haustura du eskuin hankako soleoan eta zalantza da igandean Ipuruan jokatuko den Deportivo Alavesen aurkako neurketarako".

Ondorioz, Enrich baja da Sportingen aurkako Errege Kopako final-zortzirenetako joaneko partidarako. Neurketa Molinonen jokatuko da, azaroaren 1ean, 12:00etan.