Pedro Leonek 2020ra arte luzatu du kontratua Eibarrekin
Pedro Leonek Eibarrekin zuen kontratua 2020ra arte luzatu du, astelehen honetan klubak jakitera eman duenez. Murtziarrak talde armaginarekin zeukan lotura aurtengo ekainean zen bukatzekoa.
Mendilibarrek Eibar zuzentzen jarraituko duen argitzeke dagoen honetan, erdilariaren kontratu-luzatzea arnasbide bat Eibarreko zaleentzat; izan ere, joan zen denboraldian jokalariak berak adierazi zuenaren arabera, ez luke zentzurik izango berak taldean jarraitzea, baldin eta bere babesle handienak ez balu gauza bera egingo.
Dena dela, azken asteetan jokalariak berak aurreratu du kontratua berriztatzeko aukerak zeudela, ia denboraldi osoa zelaietatik kanpo egotera behartu duen lesioa sendatu bitartean klubarengandik babes eta laguntza handia jaso duela ikusita.
Pedro Leon 2016/2017 denboraldian iritsi zen Ipuruara, Mendilibarrek konbentzitu ostean. Leonen esanetan, Zaldibarreko entrenatzailea da bere ibilbide profesionalean izan duen prestatzaile garrantzitsuena.
Eibarrera heldu zenetik, 45 partida jokatu eta hamar gol sartu ditu orain arte murtziarrak, nahiz eta aurtengo denboraldiko zati handi bat lesionatuta eman duen.
Zure interesekoa izan daiteke
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Eibarrek Imanol Garcia de Albeniz fitxatu du, 2029ra arte
Ezker hegaleko atzelari bizkaitarra, 2022-2023 denboraldian, Eibarren aritu zen, Athleticek utzita. Talde armagineko futbolari berria Sparta Pragatik iritsi da; 2025-2026 denboraldia, baina, Andorran eman du, Hypermotion Ligan.
Ivan Gil, Eibarrera bueltan
Erdilari kataluniarrak UD Las Palmasek utzita jokatu zuen talde armaginean eta 2029ra arte sinatu du oraingoan.
Hodei Arrillagak Eibarrekin berritu du 2029ra arte
Eibarko harrobian hezitako ezker hegalekoak beheko kategorietatik lehen taldera arteko ibilbide osoa egin ostean luzatu du klubarekin duen lotura.
Eibarrek Luis Lopezen kontratua 2029ra arte berritu duela iragarri du
Murtziako atezaina 2025eko ekainean iritsi zen armaginen taldera Mirandesetik eta azken denboraldi honetan Errege Kopako hiru partidak jokatu ditu.
Eibarrek Jokin Aranbarri entrenatzaile berria aurkeztu du: “Ohore handia da; lana eta konpromisoa ez dira faltako”
Aranbarrik emozio handiz hitz egin du, Ipuruan, talde armagineko lehen taldeko aulkia bere gain hartzean: “Taldea asko gustatzen zait, egia esan”, nabarmendu du.
Jesus Crespo, “Pejiño", Eibarren lehen fitxaketa 2026-27 denboraldirako
Pejiñoren etorrerarekin Eibarrek erasoko profil moldakorra izango du, desoreka eta bertikaltasuna eragiteko gai izango dena.
Marco Morenok Eibar utziko du Brasilgo Bahia taldera joateko
Atzelari kanariarra iragan denboraldiko udako merkatuan iritsi zen talde armaginera. Moreno hasierako hamaikakoetan izan zen txapelketaren zati handi batean, lesio batek taldetik kanpo utzi zuen arte.
Noe Fernandez, armagin berria
Erdilari avilestarrak 2028ra arte sinatu du Eibarko taldearekin.