Eibarrek berdindu egin du Deportivoren aurka Riazorren
Eibarrek bana (1-1) berdindu du Deportivoren aurka Riazorren jokatu duen Ligako 27. jardunaldiko partida. Puntu hau gehituta, armaginek Europa Liga jokatzeko sailkapena ematen duen seigarren postua (Vila-real, 41 puntu), bi puntura dute.
Hobeto ekin dio neurketari Deportivok eta azkar sortu ditu lehen abaguneak. Lucas Perezek gola sartzeko aukera bikaina izan du 7. minutuan, baina Dmitrovicek oinarekin eragotzi du talde galiziarraren gola. Lau minutu beranduago, Eibar aurkariaren hutsaz baliatu da Inuriren bitartez 0-1ekoa sartzeko; Deportivoko defentsek kale egin dute, Orellanak pasea eman, Koval atezainak kale egin, eta Inuik gola sartu du. Neurketako 26. minutuan Orellana bera lesionatu egin da, eta 33. minutuan Deportivok partida berdindu du (1-1) Dmitrovicek bere atean sartu duen golari esker; Andoneren erremateak zutoina jo ostean Dmitrovicengan jo du, eta baloia sare barrura sartu da. Atsedenaldira iritsi aurretik, Koval atezainak txartel gorria ikusi du, areaz kanpo Joan Jordani egin dion sarrera gogor baten ostean.
Bigarren zati guztia jokalari bat gutxiagorekin jokatu du Deportivok. Eibarrek erasora jo du, baina Mendilibarrek zuzentzen duen taldea ez da fin ibili erasoko jokoan. Inuiren jaurtiketa desbideratu egin du Ruben atezainak, Joan Jordanen errematea ere gelditu du, eta Alejok ez du lortu atezaina ezustean harrapatzea. Deportivok ez dio arazorik sortu Eibarri, armaginek ez dute aurkariaren ate aurrean asmatu eta partida berdinduta amaitu da (1-1).
Fitxa teknikoa:
1 - RC Deportivo: Koval; Eneko Boveda, Albentosa, Sidnei, Fernando Navarro; Borges, Muntari (Krohn-Dehli, min.80); Lucas Perez, Çolak (Ruben Martinez, min.43), Adrian Lopez; eta Florin Andone (Bakkali, min.84).
1 - SD Eibar: Dmitrovic; Ruben Peña, David Lomban, Arbilla, Cote; Diop (Kike Garcia, min.60), Dani Garcia; Orellana (Pedro Leon, min.27), Joan Jordan, Inui (Ivan Alejo, min.74); eta Charles.
Golak: 0-1, min.11: Inui. 1-1, min.33: Dmitrovic, bere atean.
Epailea: Jaime Latre.
Zure interesekoa izan daiteke
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Eibarrek Imanol Garcia de Albeniz fitxatu du, 2029ra arte
Ezker hegaleko atzelari bizkaitarra, 2022-2023 denboraldian, Eibarren aritu zen, Athleticek utzita. Talde armagineko futbolari berria Sparta Pragatik iritsi da; 2025-2026 denboraldia, baina, Andorran eman du, Hypermotion Ligan.
Ivan Gil, Eibarrera bueltan
Erdilari kataluniarrak UD Las Palmasek utzita jokatu zuen talde armaginean eta 2029ra arte sinatu du oraingoan.
Hodei Arrillagak Eibarrekin berritu du 2029ra arte
Eibarko harrobian hezitako ezker hegalekoak beheko kategorietatik lehen taldera arteko ibilbide osoa egin ostean luzatu du klubarekin duen lotura.
Eibarrek Luis Lopezen kontratua 2029ra arte berritu duela iragarri du
Murtziako atezaina 2025eko ekainean iritsi zen armaginen taldera Mirandesetik eta azken denboraldi honetan Errege Kopako hiru partidak jokatu ditu.
Eibarrek Jokin Aranbarri entrenatzaile berria aurkeztu du: “Ohore handia da; lana eta konpromisoa ez dira faltako”
Aranbarrik emozio handiz hitz egin du, Ipuruan, talde armagineko lehen taldeko aulkia bere gain hartzean: “Taldea asko gustatzen zait, egia esan”, nabarmendu du.
Jesus Crespo, “Pejiño", Eibarren lehen fitxaketa 2026-27 denboraldirako
Pejiñoren etorrerarekin Eibarrek erasoko profil moldakorra izango du, desoreka eta bertikaltasuna eragiteko gai izango dena.
Marco Morenok Eibar utziko du Brasilgo Bahia taldera joateko
Atzelari kanariarra iragan denboraldiko udako merkatuan iritsi zen talde armaginera. Moreno hasierako hamaikakoetan izan zen txapelketaren zati handi batean, lesio batek taldetik kanpo utzi zuen arte.
Noe Fernandez, armagin berria
Erdilari avilestarrak 2028ra arte sinatu du Eibarko taldearekin.