Garaipenen bidera itzuli da Eibar, Leganesi gol bakarragatik irabazita
Eibarrek 1-0 irabazi dio Leganesi Alejandro Galvez atzelariak bigarren zatia hasi eta gutxira buruarekin sartutako gol bakarrari esker. Ipuruan ostiral honetan jokatutako partidak Santander Ligako laugarren jardunaldiari eman dio hasiera.
Eibarko taldeak bi aste zeramatzan punturik lortu gabe, baina Leganesen lepotik heldu dio berriz ere garaipenen bideari. Asier Garitanok zuzentzen duen talde madrildarra ez da oso zuzen aritu, inoiz heldu ez den aukera baten zain egon baita. Leganesen aldetik Beauvue, Naranjo eta Amrabat jokalariek debutatu egin dute.
Inui izan da Eibarren aldetik jokalari arriskutsuena, eta berak gidatu ditu armaginen erasoaldi nagusienak. Lehendabizi urrutik egindako jaurtiketa batekin, eta gerora Leganesen atzeko lerroan zalantza ugari eragin duten erdiraketak eginez. Hain zuzen ere, erdiraketa horietako bat dela medio zulatu du Galvez atzelariak 53. minutuan talde zuri-urdinaren atea, berak hasitako jokaldia azken muturreraino jarraitu duenean. Izan ere, jokalari granadarrak baloia moztu du eta kontra erasoa antolatu du, Inuiri hegalera zabaldu eta hark egindako erdiraketari amaiera ezin hobea eman dio buruarekin.
Inui japoniarra partidako une batean. Argazkia: EFE
Madrildarrek ez dute arrisku handirik eraman Dimitrovicen atera, Brasanacek egindako jaurtiketa bat izanik aukera aipagarriena, eta, modu horretan, denboraldiko bigarren porrota jaso dute joan zen astean Getaferen aurka galdu eta gero. Eibarrek, bere aldetik, sei puntura heldu da, gaurko bere aurkariak duen kopuru berera.
Fitxa teknikoa:
1 - Eibar: Dmitrovic; Capa, Oliveira, Galvez, Cote; Dani Garcia, Jordan (Charles, min.86); Bebe (Arbilla, 62. minutuan), Kike (Escalante, 76. minutuan), Inui eta Enrich.
0 - Leganes: Cuellar; Bustinza, Mantovani, Ezequiel (Mauro Dos Santos, 12. minutua), Siovas, Rico; Omar Ramos (Beauvue), Darko; Gabriel, Guerrero eta Naranjo (Amrabat, 80. minutuan).
Gol: 1-0, 52. minutuan: Galvez.
Epailea: Martinez Munuera. Txartel horiak: Dani Garcia eta Oliveira Eibarren aldetik; Darko, Mauro, Rico eta Siovas y Leganesen aldetik.
Zure interesekoa izan daiteke
Eibar atezainik gabe, Luis Lopezek atzamar bat hautsi eta Jonmi Magunagoitiak gainkarga baitu
Larunbat honetan Eibarrek bere lehen lagunartekoa jokatuko du Alavesen aurka eta zaila izango da bietako bat prest egotea. Ondorioz, armaginek harrobiko atezainen bat zelairatu beharko dute.
Eibarrek denboraldiaurreko lehen entrenamendua egin du, Areition
Talde armaginak ilusio handiz ekin dio denboraldiari. Iñaki Goikoetxeak, asteazken honetan, 22 jokalari izan ditu bere esanetara.
Simona Boterok Eibarren jokatuko du, 2027ra arte
Erdiko atzelari kolonbiarra talde armaginaren bederatzigarren fitxaketa da, eta Espanyoletik dator.
Eibarrek Samara Ortiz fitxatu du
Talde armaginak jakinarazi duenez, 2027ra arte fitxatu du futbolari madrildarra.
Nerea Sanchez, Eibarko jokalari berria
Talde armaginak 2028ra arteko kontratua sinatu du erdilariarekin.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Eibarrek Imanol Garcia de Albeniz fitxatu du, 2029ra arte
Ezker hegaleko atzelari bizkaitarra, 2022-2023 denboraldian, Eibarren aritu zen, Athleticek utzita. Talde armagineko futbolari berria Sparta Pragatik iritsi da; 2025-2026 denboraldia, baina, Andorran eman du, Hypermotion Ligan.
Ivan Gil, Eibarrera bueltan
Erdilari kataluniarrak UD Las Palmasek utzita jokatu zuen talde armaginean eta 2029ra arte sinatu du oraingoan.
Hodei Arrillagak Eibarrekin berritu du 2029ra arte
Eibarko harrobian hezitako ezker hegalekoak beheko kategorietatik lehen taldera arteko ibilbide osoa egin ostean luzatu du klubarekin duen lotura.