Athleticek lortu du garaipena Eibarren aurkako derbian
Athleticek garaipena lortu du Eibarren aurka (0-1) Ipuruan jokatutako euskal derbian. Talde armaginak lehen porrota jaso du Ligan eta talde zuri-gorriak, aldiz, bere lehen partida irabazi du.
Ohiko bizitasunarekin ekin dio Eibarrek norgehiagokari eta atzean sartu du Athletic, baina Jose Luis Mendilibarrek zuzentzen duen taldeak ez du abagune argirik sortu. Capak 4. minutuan egin duen jaurtiketa Kepa atezainak gelditu du arazorik gabe eta 10. minutuan Inuik egindako jaurtiketa kanpora joan da gutxigatik. Athletic sendo mantendu da defentsan eta Williamsen barnekaldi baten bitartez erantzun du. Ondorengo minutuetan lehia parekatu egin da, eta bi taldeei kosta egin zaie abaguneak sortzea. Minutuak aurrera joan ahala Athleticek jokoa hobetu du, eta 39. minutuan, zuri-gorriek izan duten lehen abagunean Adurizek sartu du 0-1ekoa. Unai Nuñezek zelai erdian baloia aldendu du, Williamsek bikain kontralatu, erdiraketa ona egin, eta Adurizek sare barrura bidali du errematea. Neurketa zuri-gorrien aldeko gol bateko abantailarekin iritsi da neurketa atsedenaldira.
Bigarren zatiaren hasieran ere erasokor zelairatu da Eibar eta lehen zatian gertatu bezala, atzean sartuta egon da Athletic. Ramisek langa gainetik kanpora bidali duen errematea izan da armaginen lehen abagunea bigarren zatian. Athleticen erantzuna 69. minutuan etorri da; Williamsek jokaldi ona egin du, baina bere jaurtiketa kanpora joan da. Hurrengo jokaldian, aldiz, talde armginak izan du berdinketa lortzeko abagunea, baina Kepa atezainak gola eragotzi du, gelditu bikaina eginda. Kike Garcia berriro gola sartzetik gertu egon da 73. minutuan; oraingoan ere, ordea, Kepak goleko marran harrapatu du baloia. Eibarren abaguneen ostean Athleticen txanda izan da, eta zuri-gorriek ere izan dituzte aukerak gola sartzeko. Adurizek jokaldi ona egin du 73. minutuan, baina bere azken jaurtiketa indarge joan da kanpora. Minutu bat beranduago Muniainen errematea Dmitrovic atezainak gelditu du. Eibar berdinketa lortzen saiatu da azken txanpan baloi luzeak area barruan jarrita eta Sergi Enrichek abagune ona izan du 83. minutuan, baina bere errematea langa gainetik kanpora joan da. Azken minutuetan Athleticek ondo eutsi dio emaitzari, baloiaren jabe eginda. Gainera, epaileak Jordan egotzi du 91. minutuan Muniaini egin dion falta baten ostean bigarren txartel horia aterata. Amaieran, hiru puntuak Athleticentzat.
Fitxa teknikoa:
0 - Eibar: Dmitrovic; Capa, Oliveira, Ramis, Cote; Dani Garcia (Rivera, m. 82), Jordan; Ruben Peña (Bebé, m- 46), Kike, Inui (Enrich, m. 62); Charles.
1 - Athletic Club: Kepa; Boveda Laporte, Nuñez, Saborit; San Jose, Vesga, Cordoba (Muniain, m. 65), Williams (Lekue, m. 79), Raul Garcia, Aduriz.
Golak: 0-1 (m-38, Aduriz)
Epaileak: Sanchez Martinez.
Zure interesekoa izan daiteke
Munduko Txapelketak Athleticen, Realaren eta Osasunaren Liga hasiera atzeratuko du
EA Sports Ligako lehen jardunaldiko partiden erdiak dataz aldatu beharko dira nazioarteko jokalarien atsedena errespetatzeko.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Ingalaterrak eta Argentinak Munduko Txapelketako finalerdiak jokatuko dituzte Norvegia eta Suitza luzapenean gaindituta
Jude Bellinghamek, biko batekin, Ingalaterrak Norvegiaren aurka lortutako markagailua irauli du (1-2), eta Argentinak Suitza borrokalari bati irabazi dio (3-1) Julian Alvarezek eta Lautaro Martinezek egindako golei esker.
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.