Eibarrek ezin izan du Malagarekin (1-2)
Eibarrek ezin izan dio Malagari irabazi Ipuruan (1-2). Armaginek garaipena nahi zuten, iragan asteburuan Athleticen aurkako derbian jasotako porrota ahazteko, baina andaluziarrak hobeto aritu dira eta merezita irabazi dute.
Lehen zatian Eibar txukun aritu den arren, eta garaipenaren bila atera diren arren, ez dira markagailuan aurrea hartzeko gai izan, Malaga zelaian oso ondo kokatuta egon delako.
Bigarrenez jarraian, Mendilibarren taldean defentsa batek min hartu du: Panticek zelaia utzi behar izan du, eta bere ordez Ekiza sartu du entrenatzaile bizkaitarrak.
Javi Graziaren taldeak erasoan izan duen bigarren aukera aprobetxatu du partidako lehen gola egiteko. Juanpik sartu du Chory Castrok zuzendutako kontraerasoan, eta Eibarreko defentsak egindako hutsari etekina aterata. Gol psikologikoa izan da, atsedenaldiaren atarian.
Baston golegile, luzapenean
Bigarren zatian, Malagak neurketa erabakita utzi nahi izan du, baina gola sartzea asko kosta izan zaio. 90. minutuan egin dute, Santa Cruzen bitartez.
Armaginek aldea murriztea lortu dute, baina berandu, luzapenean, Borja Bastonek egindako golari esker. Madrildarraren 15. gola da Ligan.
Fitxa teknikoa:
1. Eibar: Riesgo; Capa, Dos Santos, Pantic (Ekiza, 38. min), David Juncà; Keko Gontán, Escalante, Dani García (Adrián, 82. min), Inui (Jota Peleteiro,60. min); Borja Bastón eta Sergi Enrich.
2- Malaga: Kameni; Rosales, Albentosa, Filipenko, Miguel Torres; Juanpi, Recio, Camacho, Chory Castro (Boka, 84. min); Cop (Pablo, 73. min) eta Charles (Santa Cruz, 77. min).
Golak: 0-1. 44. min. Juanpi; 0-2. 90. min. Santa Cruz; 1-2. 93. min. Bastón.
3. min. Bastón.Zure interesekoa izan daiteke
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.
Maria Carvajal, Eibarreko erdilari berria, Juventusek utzita
Corteganan (Huelva) jaio zen 2008an, eta 15 urterekin egin zuen debuta Lehen Mailan, Sporting Huelvarekin. Urtebeteko kontratua izango du talde armaginean.
Eibarrek Unai Elgezabal aurkeztu du: “Badakit hemengo jokalarien maila oso ona dela”
Erdiko atzelaria talde armaginera bueltatu da; azken bi denboraldiak Levanten eman ditu. Ipuruan izan da aurkezpena, ostegunean.
Eibarrek Unai Elgezabal fitxatu du, 2026-2027 denboraldirako
Erdiko atzelari bizkaitarra Levante taldetik iritsi da Eibarrera. Elgezabalek, 33 urtekoa bera, esperientzia du talde armaginean; izan ere, duela hamar urte ere aritu zen bertan. Gainera, Angel Tronchok ez du jarraituko Jokin Aranbarriren taldean.
Emma Moreno Eibarrera itzuli da, Atletico Madrilek utzita
Madrildarra joan den udan iritsi zen lehen aldiz talde armaginera, 19 urtez azpiko Europako txapeldun izan ondoren. Guztira, 29 partidatan parte hartu zuen iragan denboraldian, eta 1.500 minututik gora jokatu zituen.
Eibarrek iragarri du Javi Martinezek ez duela klubean jarraituko
Soriako jokalaria 2025eko neguko merkatuan iritsi zen Ipuruara, Osasunatik, eta Eibarren ibili den urte eta erdian 14 partida jokatu ditu, eta gol bat sartu. Eldensen ariko da aurrerantzean.
Marianna Seidl estatubatuarra, Eibarren hamargarren aurpegi berria
Ezker hegalekoa Brisbane Roar taldetik heldu da, Australiatik.