Eibarrek puntu bat eskuratu du Sorian, denboraldiko azken partidan
Eibarrek berdinketa batekin agurtu aurtengo denboraldia, Sorian Numantziaren aurka (1-1). Duela bi aste Lehen Mailarako txartela ziurtatu zuen talde armaginak eta atzo bertan Bigarren Mailako liga irabazi zuen, Deporrek jasotako porrotaren ondorioz.
Intentsitate handikoa izan da partidaren hasiera, baina gol-aukera argiak oso eskasak izan dira. 16. minutuan markagailua estreinatu du etxeko taldeak Enrichen gol bati esker. Irazusta atezainaren akatsa izan da: baloiarekin entretenitu egin da, eta urruntzen saiatu denean Numantziako jokalarian jo du eta barrura sartu da (1-0).
Suspertzen saiatu da Eibar baloiak aurkariaren areara erdiratuta, baina ez du golik egin. 38.ean bat gutxiagorekin geratu da Numantzia Isidorok bigarren txartel horia ikusi duenean. Bi minutu geroago, baliorik gabe utzi du epaileak Eibarren gola ustezko jokoz kanpogatik.
57.ean gola egiteko zorian izan da Bedoya, baina Irazusta 2-0ekoa saihestu du. 58ean oso gutxigatik ez du Capak partida berdindu, baina Raulen erantzuna ona izan da.
73.ean Urko Verarentzat izan da abagunea, baina jokalariak kanpora bidali du baloia. Gipuzkoako taldearen gola 83. minutuan heldu da. Gilvanek eskuinetik erdiratu du, etxeko atezaina kale egin du eta baloia barrura sartu da (1-1).
Azken minutuetan penaltia eskatu dute gipuzkoarrek, eta Julio Alvarezen erremate batek zutoinean jo du. Azkenean, puntu banaketa.
Fitxa teknikoa
1 - Numantzia: Raul Fernandez, Isidoro, Dani Calvo, Gaffoor, Ripa; Victor Andres (Cesar Vinuesa, min. 44), Regalon; Palanca (Vicente, min. 60), Julio Alvarez, Bedoya; Sergi Enrich (Pedro, 70').
1 - Eibar: Irazusta; Lillo, Arregui (Morales, 70'), Raul Navas, Kijera; Errasti (Jota, 46'), Diegp Rivas; Cappa, Diego, Gilvan Gomes; D. Mainz (Urko Vera, 46')
Golak:
15': 1-0: Sergi Enrich.
83': 1-1: Gilvan Gomes.
Zure interesekoa izan daiteke
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Eibarrek Imanol Garcia de Albeniz fitxatu du, 2029ra arte
Ezker hegaleko atzelari bizkaitarra, 2022-2023 denboraldian, Eibarren aritu zen, Athleticek utzita. Talde armagineko futbolari berria Sparta Pragatik iritsi da; 2025-2026 denboraldia, baina, Andorran eman du, Hypermotion Ligan.
Ivan Gil, Eibarrera bueltan
Erdilari kataluniarrak UD Las Palmasek utzita jokatu zuen talde armaginean eta 2029ra arte sinatu du oraingoan.
Hodei Arrillagak Eibarrekin berritu du 2029ra arte
Eibarko harrobian hezitako ezker hegalekoak beheko kategorietatik lehen taldera arteko ibilbide osoa egin ostean luzatu du klubarekin duen lotura.
Eibarrek Luis Lopezen kontratua 2029ra arte berritu duela iragarri du
Murtziako atezaina 2025eko ekainean iritsi zen armaginen taldera Mirandesetik eta azken denboraldi honetan Errege Kopako hiru partidak jokatu ditu.
Eibarrek Jokin Aranbarri entrenatzaile berria aurkeztu du: “Ohore handia da; lana eta konpromisoa ez dira faltako”
Aranbarrik emozio handiz hitz egin du, Ipuruan, talde armagineko lehen taldeko aulkia bere gain hartzean: “Taldea asko gustatzen zait, egia esan”, nabarmendu du.
Jesus Crespo, “Pejiño", Eibarren lehen fitxaketa 2026-27 denboraldirako
Pejiñoren etorrerarekin Eibarrek erasoko profil moldakorra izango du, desoreka eta bertikaltasuna eragiteko gai izango dena.
Marco Morenok Eibar utziko du Brasilgo Bahia taldera joateko
Atzelari kanariarra iragan denboraldiko udako merkatuan iritsi zen talde armaginera. Moreno hasierako hamaikakoetan izan zen txapelketaren zati handi batean, lesio batek taldetik kanpo utzi zuen arte.
Noe Fernandez, armagin berria
Erdilari avilestarrak 2028ra arte sinatu du Eibarko taldearekin.