Athletic aurretik jarri da Bartzelonaren aurka, Superkopako finalerdian, baina ezin izan du hamar jokalariren kontra (3-1)
Nerea Nevadok, penaltiz, 0-1ekoa sartu du lehen zatian, eta Bartzelonak markagailua irauli du atsedenaldira joan aurretik; bigarren zatian, zuri-gorrien aurkaria hamar jokalari izan dituela aritu bada ere, Javi Lergaren taldeak ezin izan du arriskurik sortu.
Daniela Agote, partidako jokaldi batean. Argazkia: EFE.
Athletic 2026ko Espainiako Superkopatik at gelditu da, asteazken gauean, Castalia futbol zelaian, Castello de la Planan, txapelketako bigarren finalerdian Bartzelonaren aurka 3-1 galduta. Nerea Nevadok sartu du Athleticen gola, penaltiz, 25. minutuan, eta Ona Battlek, Irene Paredesek eta Ewa Pajorrek, 34., 39. eta 68. minutuetan, Bartzelonaren golak egin dituzte; Kataluniako taldeak hamar jokalari izan dituela jokatu du bigarren zatian, Kika Nazarethi txartel gorria atera baitiote.
Athleticek berdegunean ondo kokatuta ekin dio finalerdiari, eta Bartzelonak ezin zuen abiaduraz erasora irten. Zuri-gorriak aurkariaren areara iritsi diren lehen jokaldietako batean, 25. minutuan, Mapi Leonek falta egin dio Maite Zubietari, eta Nerea Nevadok bikain bidali du baloia sareetara, penaltian; euskal taldea aurretik jarri da, eta, hala, egiten ari zen lan onaren saria jaso du.
Bartzelonak, Ona Battleren eta Irene Paredesen golen bidez, aurreneko zatia amaitu aurretik irauli du markagailua; baina, luzapenean, Elisabeth Calvo epaileak txartel gorria atera dio Kika Nazareth Bartzelonako jokalariari; izan ere, horrek, erasoan, ukondokada eman dio Nahia Landaluzeri. Horrenbestez, bigarren zatia osorik gelditzen zela, Athleticek futbolari bat gehiago zuela jokatzeko aukera zuen.
Javi Lergaren taldeak sendo jarraitu du bigarren zati horretan; hori bai, zuri-gorriek ezin izan dute gola sartzeko moduko jokaldirik sortu. Bartzelona sendo aritu da atzealdean, eta gainera, 68. minutuan, kontraerasoko jokaldi batean, 3-1ekoa sartu du; Ewa Pajorrek lortu du hirugarren gol hori.
Ez da gol gehiagorik izan, eta, ondorioz, Athletic finaletik at gelditu da; larunbatean, Bartzelonak eta Real Madrilek izango dute jokoan titulua.
Fitxa teknikoa
3 – Bartzelona: Cata Coll; Ona Batlle (Aicha, 72. min), Irene Paredes, Mapi Leon, Brugts; Kika Nazareth, Serrajordi (Patri Guijarro, 58. min), Alexia; Vicky Lopez (Hansen, 58. min), Ewa Pajor (Salma Paralluelo, 72. min) eta Claudia Pina (Sydney, 82. min).
1 - Athletic: Santana; Elexpuru, Landaluze, Maddi Torre (Campos, 78. min), Nerea Nevado; Vilariño (Sara Ortega, 62. min), Valero (Leire Baños, 86. min), Maite Zubieta, Agote (Oihana, 86. min); Gurtubay (Pinedo, 78. min) eta Ane Azkona.
Golak: 0-1, 25. min: Nevado (p). 1-1, 34. min: Batlle. 2-1, 39. min: Paredes. 3-1, 68. min: Pajor.
Epailea: Elisabeth Calvo Valentin (Madril). Txartel gorria, Kikari.
Zure interesekoa izan daiteke
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.
Jauregizar: "Partida oso zaila izango da, baina aurrera egiteko aukerak ikusten ditut"
Oviedon "susto handia" hartu zuela onartu du erdilari zuri-gorriak, baina adierazi du belauneko lesioa dagoeneko sendatu duela. Asteazken honetan Anoetan jokatuko den Kopako derbiari dagokionez, Bermeoko erdilariak uste du "guztia" utzi behar dutela zelaian. "Gogoz eta intentsitatez berdeguneratu behar gara, euren bila lehen minututik", erantsi du.