Athleticek Rangers kanporatu du (2-0), Sancetek eta Nico Williamsek golak sartuta, eta finalerdietan da
Athletic 2024-25 denboraldiko Europa Ligako finalerdietarako sailkatu da, ostegun gauean, final laurdenetan Rangers FC San Mamesen kanporatuta; euskal taldea 2-0 gailendu da kanporaketako itzuliko partidan, eta horrek, joaneko neurketako 0-0ekoarekin lotuta, finalaurrekoetarako sailkatzea eman die Ernesto Valverderen gizonei; Manchester United izango dute aurkari, joaneko partida Bilbon. Oihan Sancetek sartu du 1-0ekoa, penaltiz, lehen zatiko luzapenean, eta Nico Williamsek egin du Athleticen bigarren gola, 81. minutuan.
Ernesto Valverdek ia-ia errepikatu du Glasgowko hamaikakoa; izan ere, aldaketa bakarra izan da: Alex Berenguer sartu dela, erasoan, eskuinaldetik, Iñaki Williamsen ordez. San Mamesen giro ikusgarria izan dela (ikusleen marka hautsi egin da, 52.114 zale izan baitira), Rangersek, hasierako minutuetan, joaneko neurketan baino gorago jokatu nahi zuela erakutsi du, baina Oihan Sancetek izan du lehenengo gol aukera, gertutik egindako jaurtiketa batean; baloiak atzelari batean jo du.
Hamabigarren minutuan, berriro ere izan da Sancet gola sartzetik hurbil, Rangerseko atzelari batek aldendu duen erremate argi batean. 17.ean, Dani Vivianek, area barruan, Dessersen elastikoari heldu dio, eta aurrelaria jausi egin da, baina epaileak ez du ezer adierazi; jokaldi deigarria izan da, Rangerseko jokalariaren kamiseta apurtu egin baita.
Athletic Rangerseko atzealdeko zuloaren bila zebilen, eta Eskoziako taldearen asmoa zen baloia lapurtu eta azkar irtetea. Yilmaz lesionatu egin da, eta berdegunea utzi behar izan du, Barronek ordezkatuta. 36. minutuan, Berenguerri apur bat desbideratuta irten zaio area barruan egindako jaurtiketa on bat, euskal taldeak erasoan jokaldi luzea eginda. Maroan ondo ari zen mugitzen bisitarien atzealdean, taldekideentzako zuloak sortuta eta aurkariaren atzelariak estutuz.
Luzapenean, Maroanek bikain utzi dio Sanceti buruz area barruan, Kelly atezainaren aurrean, baina azken horrek ondo babestu du atea, eta nafarraren errematea goitik irten da. Hurrengo jokaldian, Maroanek pase sakona jaso du, Rangersen arean, eta lurrera bota du Souttarrek; Oihan Sancetek hartu du bere gain penaltia jaurtitzeko ardura, eta ezin hobeto egin du. Atsedenaldian, Athletic aurretik zihoan, 1-0.
Rangersek, zutoinera
Barry Fergusonek, Rangerseko entrenatzailea bera, erabaki du bigarren zatirako Nsiala zelairatzea; aurreneko minutuetan, Balogun lesionatu egin da, eta berak ere utzi behar izan du norgehiagoka. 58. minutuan, Rangersek gol aukera oso ona izan du berdinketa jartzeko, Raskinek hurbiletik egin duen erremate batean, baina Julen Agirrezabalak bikain desbideratu du, eta baloia zutoinera joan da.
Athletic indarrez ari zen jokatzen, eta saiatzen ari zen ez sartzen oso atzean; Rangers, markagailuak behartuta, ahalegintzen zen Bilboko taldearen zelaian gehiago jokatzen. 73. minutuan, Beñat Prados eta Gorka Guruzeta sartu dira partidara, Ruiz de Galarretaren eta Maroanen ordez.
Nico Williamsen gola, eta festa San Mamesen
81. minutuan, erasoko jokaldi on baten amaieran, Oscar De Marcosek ezin hobeto erdiratu du bigarren zutoinera, Nico Wiliams buruz sartu da, eta Athleticek bigarren gola erdietsi du. Norgehiagokako azken minutuetan, festak eztanda egin du San Mamesen. Athleticek beste talde bat kanporatu behar du Bilboko futbol zelaian maiatzaren 21ean izango den final handirako.
Fitxa teknikoa
2 - Athletic: Agirrezabala; De Marcos, Vivian, Yeray, Lekue; Ruiz de Galarreta (Prados, 73. min), Jauregizar; Berenguer (Vesga, 86. min), Sancet (Unai Gomez, 82. min), Nico Williams (Djalo, 86. min); eta Maroan Sannadi (Guruzeta, 74. min).
0 - Rangers FC: Kelly; Tavernier, Souttar, Balogun (Igamane, 49. min); Ridvan Yilmaz (Barron, 23. min), Raskin, Diomande (Bajrami, 84. min), Jefte; Cerny (Danilo Pereira, 84. min), Ianis Hagi (Nsiala, 46. min) eta Dessers.
Golak: 1-0, 48+. min: Sancet, penaltiz. 2-0, 80. min: Nico Williams.
Epailea: Irfan Peljto (Bosnia-Herzegovina). Athleticeko Sancet, eta Rangerseko Dessers, Balogun eta Tavernier zigortu ditu, txartel horia aterata.
Nabarmentzekoa: 52.114 zale, eta giro ikusgarria, San Mamesen.
Zure interesekoa izan daiteke
Yurik giharretako lesioa du, eta Egiluz korrika hasi da ia bost hilabete geroago
Zarautzeko hegalekoak lesioa du "eskuin hankako muskulaturan", eta, ondorioz, Athletici urtea amaitzeko geratzen zaizkion bi partidetan ez du jokatzerik izango. Bestalde, erdiko atzelari bizkaitarra bakarrik aritu da lanean, abuztuaren 6an ebakuntza egin ondoren.
Aitor Paredes: "Partida honetatik gauza asko ikasi eta hobetu behar ditugu"
Athleticek porrota jaso du Celtaren aurka (2-0), Balaidosen. Zuri-gorriek partida irabazi behar zuten goiko postuetan geratu nahi bazuten, baina ez dute lortu. Aitor Paredesek kontatu diguna, bideo honetan.
Athleticek estropezu egin du Balaidosen (2-0)
Swedberg eta El-Abdellaouiren golek eta Nico Williamsek huts egindako penaltiak Athletic porrotera eraman dute.
Athleticek talentu gazteari esker lortu du garaipena
Athleticek 0-2 irabazi dio Madrid CFFri, Liga F Moeveko 14. jardunaldian, Fernando Torres zelaian jokatutako neurketan. Elene Gurtubayk ireki du markagailua, eta Daniela Agotek sartu du bigarren gola partidako emaitza itxiz. Garaipen honi esker, Athletic sailkapenaren erdialdetik gora kokatu da.
Ernesto Valverde: "Celtak beti sortzen dizkigu arazoak; atera iristea eta zehatzagoak izatea falta zaigu"
Ernesto Valverdek prentsaurrekoa eman du igande honetan jokatuko duen Celtaren aurkako partidari begira. Adierazi duenez, taldea ondo dago, baina partida zaila izango da eta, Laporteren lesioa dela eta, Iker Monrealek jokatuko du. (Bideoa gazteleraz)
Iñigo Ruiz de Galarreta: "Talde guztiaren lanarekin lortu dugu atea hutsean mantentzea"
Ruiz de Galarreta pozik agertu da taldeak egindako lanarekin.
Txapeldunen Ligako seigarren jardunaldiko Athletic-PSG (0-0) neurketaren laburpena
Athleticek eta PSGk golik gabe berdindu dute San Mamesen, Txapeldunen Ligako seigarren jardunaldian, Valverderen taldeak lan bikaina egin du defentsan. Unai Simonek Europako txapelduna geldiarazi du, eta talde zuri-gorriari Europako txapelketa nagusian bizirik mantentzen duen puntu bat eman dio.
Athleticek ederki defendatu eta puntu bat bildu du Europako txapeldunaren aurka (0-0)
Unai Simon ikusgarri batek PSG geldiarazi du San Mamesen, eta, horri esker, talde zuri-gorriak meritu handiko puntua lortu du.
Laportek giharretako lesio "larria" du, eta 2026ra arte ez du berriro jokatuko
Diagnostiko honekin, atzelariak Valverderen taldeari urtea bukatzeko geratzen zaizkion lau neurketak galduko ditu, Txapeldunen Ligakoa PSGren aurka, Ligako biak, Celta eta Espanyolen kontra, eta Kopako kanporaketa Ourenseren aurka.
Yuri Berchiche: ''Niretzat PSGren aurkako partida oso berezia izango da''
"Egin behar dugunaren adibiderik onena Atleticoren aurkako larunbateko partida da. Hori da denok ikusi nahi dugun Athletic. Horrela zelairatzen bagara, partida irabazteko aukera gehiago izango ditugu", azpimarratu du atzelariak San Mamesen eskaini zuen prentsaurrekoan.