Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Athleticek 2-1 menderatu du Elx ostiral gauean San Mamesen, 2025-2026 denboraldiko EA Sports Ligako 25. jardunaldiko partidan. Gorka Guruzetak sartu ditu Athleticen bi golak, 64. minutuan eta 89.ean, azken hori penaltiz, eta, aurretik, Andre Da Silvak egin du behin-behineko 1-1ekoa, penaltiz. Hala, Athleticek hiru garaipen jarraian daramatza Ligan, eta azken lau partidetan jokoan izan dituen 12 puntuetatik 10 poltsikoratu ditu. Zuri-gorriek 34 puntu dituzte jada sailkapenean, eta, oraingoz, 8. postuan daude.
Vivian hasierako hamaikakoan izan da, atzealdeko erdian, Laporterekin batera; Rego izan da, Ruiz de Galarretarekin, zelai erdian, eta Unai Gomez ere aritu da hasieratik. Lehen minutuetan, Athleticek aukera oso ona izan du: Elxek ez du asmatu baloia ateratzeko orduan, Ruiz de Galarretak ostu du, eta Sanceti eman dio, baina nafarraren jaurtiketa langaren gainetik joan da. Jokaldiak konfiantza eman dio Valverderen taldeari, eta zuri-gorriek, lehen ordu erdian, gertu izan dute gola Guruzetaren bi errematetan eta Regoren jaurtiketa batean.
37. minutuan, Yurik oso ondo berreskuratu du baloia, eta pase sakona bidali dio Iñaki Williamsi; horrek jaurtiketa ona egin du, baina Elxeko atezainak, Diturok, geldiketa ikusgarria egin du. Hala, ez da golik izan lehenengo zatian, baina Athleticek hainbat aukera argi sortu ditu markagailuan aurrea hartzeko.
Euskal taldeak presioan gogor jarraitzen du bigarren zatiaren hasieran. Diturok, beste behin, geldiketa ona egin dio Sanceti, Athleticek baloia berriro berreskuratu ostean. Zuri-gorriek ez ziruditen lehen zatian bezain eroso, baina, kontraeraso batean, Ruiz de Galarretak ezkerrera zabaldu du, Yurik bikain erdiratu, eta Guruzetak sare barrura bidali du baloia. 64. minutua zen.
Ia-ia jarraian, Sancetek oso gutxigatik ez du 2-0ekoa sartu, baina, hurrengo jokaldian, Elxek partida berdindu du. Iñigo Lekuek penaltia egin dio Valerari, eta Andre Da Silvak sartu du gola. Bigarren saiakeran egin du gola Elxeko jokalariak, lehenengoan bi aldiz ukitu baitu baloia.
Eder Garcia Bilbao Athleticeko erdilariak debuta egin du ondoren. Hurrengo minutuetan, bi taldeak ari ziren ahalegintzen, baina ez diote elkarri minik egin. Izetak, 82.ean, eskuinetik jaurti du. Ruiz de Galarretak areara erdiratu du, eta Pedro Bigas Elxeko atzelariaren hankak Aymeric Laporte jo du. Epaileak penaltia adierazi du, eta Gorka Guruzetak, oso ziur, bigarren gola sartu du.
2-1ekoa 89. minutuan egin du Athleticek, eta, ondoren, 10 minutu gehiago jokatu dituzte; izan ere, epaileak 8 minutu luzatu du partida. Bizkaiko taldeak ez du arazo handirik izan garaipenari eusteko, eta, horrenbestez, hiru garaipen jarraian daramatza Ligan.
Fitxa teknikoa
2 - Athletic: Unai Simon; Lekue (Areso, 80. min), Vivian, Laporte, Yuri; Ruiz de Galarreta, Rego (Vesga, 70. min); Iñaki Williams (Izeta, 80. min), Sancet (Navarro, 74. min), Unai Gomez (Eder Garcia, 70. min); eta Guruzeta.
1 - Elx: Dituro; Chust, Bigas (Adam, 92. min), Petrot (Affengruber, 74. min); Tete Morente (Sangare, 74. min), Febas, Aguado, Cepeda, German Valera (Pedrosa, 81. min); Da Silva eta Alvaro Rodriguez (Rafa Mir, 74. min).
Golak: 1-0, 64. min: Guruzeta. 1-1, 69. min: Da Silva, penaltiz. 2-1, 89. min: Guruzeta, penaltiz.
Epailea: Alejandro Jose Hernandez Hernandez (Kanarietako Batzordea). Athleticeko Unai Gomez, Lekue eta Guruzeta, eta Elxeko Febas eta Cepeda zigortu ditu, txartel horia aterata.
Nabarmentzekoa: 46.654 zale izan dira San Mamesen.
Zure interesekoa izan daiteke
Athleticek hamarrekin irabazi du Logroñon (0-1)
Athletic Clubek bigarren garaipena jarraian lortu du F Moeve Ligan igande honetan Logroñori etxetik kanpo irabazita, Maddi Torreren gol bati esker eta 15. minututik bat gutxiagorekin jokatu arren. (Bideoa gazteleraz).
Oihan Sancet: “Partida ikaragarria egin dugu"
Athleticek 3-0 irabazi dio Atletico Madril taldeari San Mamesen, EA Sports Ligako 4. jardunaldiko partidan. Nico Williams, Robert Navarro eta Oihan Sancet izan dira golegileak.
Athleticek garaipen handia lortu du San Mamesen, Atletico menderatuta (3-0)
Athleticen lehen bi golak bigarren zatiaren hasieran iritsi dira, bata bestearen atzetik izandako bi jokalditan; Nico Williams eta Robert Navarro izan dira golegileak. Hirugarrena, berriz, Oihan Sancetek sartu du, neurketaren azken txanpan.
Terzic: “Ez dago talde garaiezinik, eta, are gutxiago, etxean jokatzen badugu”
Athleticek Atletico Madril hartuko du larunbatean San Mamesen. Edin Terzicek adierazi du badakiela aurkariak maila handia duela, baina esan du Bilboko taldea prest dagoela onenei aurre egiteko.
Adama Boiro West Ham United taldean arituko da, Athleticek utzita
Ezker hegaleko atzelaria 2026-2027 denboraldian ibiliko da Londresko klubean; hori bai, taldek jokalaria erosteko aukera izango du. West Ham United Championshipen dabil lehian, alegia, Ingalaterrako bigarren mailan.
Unai Vencedorrek Athleticekin zuen kontratua eten eta Burgosen jokatuko du
Errekaldeko erdilariak amaiera eman dio Athleticeko etapari, 82 partida ofizial jokatuta eta Superkopa bat irabazita.
Andoni Gorosabelek Espanyolen jokatuko du, Athleticek utzita
Eskuin hegaleko atzelari arrasatearra 2026-2027 denboraldian arituko da Kataluniako klubean; gainera, Espanyolek helburuei lotutako nahitaezko erosketa-aukera du.
Iñaki Williamsek eta Unai Simonek klubarekin duten arazoaz hitz egin dute
Iñaki Williams eta Unai Simon Athletic Clubeko jokalariek jokalarien eta klubaren arteko egungo egoeraz hitz egin dute, eta atsekabea "jokalariena bakarrik ez" dela eta "elkarrizketa bat egiteke" dutela azpimarratu dute.
Iñaki Williams: “Hau da jarraitu beharreko bidea"
Athletic Clubeko jokalariak Celtaren aurkako garaipenari buruz hitz egin du (0-2) EA Sports Ligako 3. jardunaldian. Pozik agertu da taldeak egindako partida onagatik, batez ere lehen zatian.
Athleticek mamuak uxatu ditu Celtari irabaziz (0-2)
Lehen zati ikusgarria egin dute lehoiek, eta aurkaria baino askoz gehiago izan dira. Berenguer eta Navarroren golekin, denboraldiko lehen garaipena lortu dute.