San Mamesek Athletic - Bartzelona partidan ikusle kopuruaren errekorra hautsi du, 49.741 ikuslerekin

Igandean San Mamesen Athleticen eta Bartzelonaren arteko partida ikusteko elkartu ziren 49.741 ikusleek marka berria ezarri dute Bilboko futbol zelaian jokatutako futbol partida batean. Zelaiak hamar urte beteko ditu hurrengo irailean inaugurazioa egin zenetik.

Aurreko topea Katedraleko harmailetan bildu ziren 49.316 zaleak izan ziren, urtarrilaren 22an, talde zuri-gorriaren eta Real Madrilen arteko futbol partidan.

2018ko maiatzaren 12an Leinster eta Racing 92 taldeen arteko errugbiko Txapeldunen Kopako finala San Mamesen ikusi zuten 52.282 zaleek zelaiaren kirol-ekitaldi batean izandako asistentzia handienaren errekorra lortu zuten.