Athleticek 1-0 galdu du Atletico Madrilen aurkako norgehiagoka
Athleticek galdu egin du Atletico Madrilen aurka. Griezmannek sartutako gol bakartiak kondenatu du Athletic Civitas Metropolitanoan. Bilbokoak zurigorriz aritu dira 125. urteurrena dela eta Atletico Madrilen sorkuntzan izandako garrantziaren aitortza modura.
Lehen zatian markagailua ez da mugitu. Bi taldeak fin ibili dira defentsan eta ez diote aurrean zuten taldeari gola egiteko aukerarik eman. Azpimarragarria hasierako hamaikakoan izan den Julen Agirrezabala atezainaren lehen zatia. Izan ere, Atletico Madrilek izan duen aukera garbiena ezerezean utzi du Carrascori bikain aurre eginda. Aurrelari belgikarra bakarrik geratu da atezainaren aurrean eta Errenteriakoak bikain estali du jaurtiketa.
Gaur Metropolitanoan zurigorriz aritu direnen aukera argiena, bestalde, Dani Garciaren oinetan izan da. Erdilariari atearen gainetik joan zaio Iñaki Williamsek zuzendutako kontraerasoari esker egindako erdiraketaren errematea.
Bigarren zatin, partidako 53. minutuan, Nico Williamsek bakarkako jokaldi on bati amaiera bikaina ematekotan egon da, baina Oblakek geldiketa oso ona egin du kanpoko taldearen gola ekiditeko. Williams anaietan txikienak area barruan zenbait areriori iskin egin eta jaurtiketa arriskutsua egin du, atezainak, baina, bikain erantzun du.
Atletico Madril 73. minutuan aurreratu da. Griezmannek pase bat jaso du sakonean eta ia zelai erditik egindako korrikaldian, bakarrik geratu da Agirrezabalaren aurrean eta honek ezin izan du ezer egin frantziarraren jaurtiketa gurutzatua geratzeko.
Gola sartu eta emaitzari eusten ahalegindu da etxeko taldea, gauzak horrela, Athleticek ezin izan du abagune argirik sortu partida amaitu bitarte eta esku-hutsik itzuliko dira Bilbora.
Fitxa teknikoa:
1 - Atletico Madril: Oblak; Molina, Gimenez, Hermoso, Reinildo; Llorente, Koke, De Paul (Barrios, 59. min); Griezmann (Saul, 92. min), Correa (Morata, 59. min), Carrasco (Memphis, 73. min).
0 - Athletic Club: Agirrezabala; De Marcos, Vivian, Yeray (Paredes, 84. min), Yuri; Vesga, Dani García (Zarraga, 68. min); Nico Williams (Berenguer, 84. min), Sancet (Raúl García, 84. min), Muniain (Guruzeta, 68. min); Iñaki Williams.
Gola: 1-0, 73. min: Griezmann.
Epailea: Martínez Munuera. Txartel horia atera dio Gimenezi (32. min), De Pauli (45. Min), Dani Garciari (32. min), Yeray Alvarezi (55. min) eta Viviani (67. min).
Zure interesekoa izan daiteke
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.