Athleticek Bartzelonaren gol zaparrada jasan du (4-0)
Athleticek porrot gogorra jaso du Santander Ligako 11. jardunaldian Bartzelonaren aurka. Kataluniako taldeak lehen zatia hiru golekin itxi du, eta bigarrenean, beste bat gehitu du bilbotarrak maldan behera jartzeko (4-0).
Athleticek presio oso handiarekin hasi du partida aurkariak harrapatzeko, baina Bartzelonak bazekien zertan ari zen, eta Ernesto Valverderen taldeak kemena eta indarra jarri ditu kalitatea baino gehiago.
Aurrelari katalanen punteria erabakigarria izan da. Katalanen lehen lau erremateetatik hiru golean bukatu dira, eta bestea Unai Simonen geldiketa batekin amaitu da, Dembelek markagailua ireki baino lehen.
Berea izan da lehen goleko jokaldia. Bere jaurtiketa Unai Simonek gelditu du, baina baloia Lewandowskik jaso du, eta frantziarraren buruan jarri du, 12. minutuan 1-0ekoa sartzeko.
2-0ekoan Dembele izan da berriro protagonista. Sergi Robertori pasa dio baloia, eta honek baloia sarera bidali du, Iñigo Martinez gelditzen saiatu arren.
Gainera, 3-0ekoan baloia penalti puntuan jarri dio Lewandowskiri eta poloniarrak gainerakoa egin du. Bartzelonaren bederatziak bizkarrez jaso eta Unai Simon gainditu du.
Athletic ezinean geratu da, eta luzapenera arte ez du atera errematatu, Berenguerren erremate leun batekin.
Ordurako Ander Herrera (22. min) eta Gavi (33. min), biak lesionatuta, jada ez zeuden zelaian. Dani Garcia eta Frank Kessie sartu dira jokoan.
Erretiratu aurretik, Dembelek beste asistentzia bat eman dio Ferran Torresi pasea iragazterakoan. Ferran Torresek bikain erabaki du Unai Simonen aurrean (4-0).
Athleticek ezin izan du aukera bikoitz bat aprobetxatu 90. minutuan, Ter Stegenen akats baten ondoren, eta seigarren jarraitzen du sailkapenean.
Fitxa teknikoa
4 - Bartzelona: Ter Stegen; Sergi Roberto, Koundé (Marcos Alonso, 62. min), Eric García, Balde; Sergio Busquets, Frenkie de Jong, Pedri (Ferran Torres, 62. min), Gavi (Kessie, 33. min); Dembélé (Pablo Torre, 77. min) eta Lewandowski (Ansu Fati, 62. min).
0 - Athletic: Unai Simón; De Marcos (Lekue, 60. min), Yeray, Iñigo Martinez, Yuri; Vesga; Nico Williams, Zarraga (Vencedor, 70. min), Herrera (Dani García, 22. min) (Sancet, 60. min), Berenguer; eta Iñaki Williams (Raul García, 70. min).
Golak: 1-0, 12. min: Dembélé. 2-0, 18. min: Sergi Roberto. 3-0, 22. min: Lewandowski. 4-0, 73. min: Ferran Torres.
Epailea: Martínez Munuera. Txartel horia atera die De Marcos (Athletic), Busquets (Bartzelona), Eric Garcia (Bartzelona) eta Vesga (Athletic) jokalariei. Xavi Hernández Bartzelonako entrenatzaileari ere txartel horia atera dio.
Zure interesekoa izan daiteke
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.