Sancetek ez du Espainiako 21 urtez azpiko selekzioarekin jokatuko

Oihan Sancet ez da 21 urtez azpiko Espainiako selekzioaren kontzentraziora joango pubisean izandako ondoezarengatik, nahiz eta Athletic Clubek ez duen osasun-txostenik zabaldu. Antonio Blanco Real Madril B taldeko erdilariak ordezkatuko du jokalari zuri-gorria.

Sancetek taldekide duen Nico Williams ere ez da Espainiarekin jokatzeko moduan egongo, min hartuta baitago. Unai Vencedor, ordea, Luis de la Fuente hautatzailearen esanetara egongo da. De La Fuentek Juen Lobete Realeko jokalaria deitu du Williamsen hutsunea betetzeko.

Lituaniaren eta Eslovakiaren aurka jokatuko du Espainiak, martxoaren 25ean eta 29an, hurrenez hurren. 2023ko Eurokoparako sailkapen faseko partidak izango dira.