Athleticek Levante mendean hartu eta Europarekin amesten jarraitzen du
Athleticek garaipena lortu du Levanteren aurka (1-2) La Nucian jokatu duen Ligako 36. jardunaldiko partida, eta Europa Ligara sailkatzeko aukerekin jarraitzen du, 51 punturekin.
Gogotsu eta erasokor ekin dio neurketari talde zuri-gorriak, eta laugarren minutuan saria jaso du Raul Garciak sartu duen golarekin (0-1); Vezok ez du erdiraketa ondo aldendu, baloia Raul Garciari iritsi zaio, eta area barrutik egin duen errematearekin Aitor Fernandez atezaina gainditu du.
Norgehiagokako lehen golaren ostean, Levante izan da erasora jotzen saiatu dena, baina abagune argirik sortu gabe. Valentziako taldeak izan duen aukera argiena Bardhik kanpora bota duen falta jaurtiketa bat izan da, 18. minutuan. Ura edateko hutsartearen ostean, parekatuta mantendu da lehia, baina 45. minutuan, Athletick bigarren gola sartu du, Raul Garciaren bitartez (0-2); Rochinak baloia aldendu du areatik, Unai Nuñezek buruz moztu du, De Marcosek pasea eman dio Raul Garciari, eta ukitu loratu batekin gainditu du Aitor Fernandez atezaina.
Bigarren zatiaren hasieran Athletic izan da nagusi, eta Gaizka Garitanok zuzentzen duen taldeak hirugarren gola sartzeko aukerak izan ditu. Raul Garciak egin duen jaurtiketa gutxigatik kanpora joan da, eta Vesgarenak ere ez du aterik aurkitu. Partidako 63. minutuan izan du lehen abagune argia Levantek, baina Campañaren errematea kanpora joan da Clercen erdiraketa onaren ostean. Kontrolpean izan du neurketa Athleticek, baina, Levantek desabantaila murriztu du 71. minutuan; Campañak pase ona eman dio Mayorali, Iñigo Martinez ahul ibili da jokaldia defendatzerakoan, eta Bardhik 1-2koa sartu du Mayoralen pase bikaina sare barrura bultzatuta.
Levanteren golaren ostean, Athleticek izan ditu gola sartzeko aukera onenak, baina zuri-gorriek ez dute asmatu. Azken txanpan, Levantek erasora jo nahi izan du, baina Athleticek ondo eutsi dio eta hiru puntuak lortu ditu.
Fitxa teknikoa:
1 - Levante: Aitor Fernandez; Vezo, Oscar Duarte (Melero, 89. min), Postigo, Clerc; Vukcevic (Radoja, 62. min), Campaña, Rochina (Giorgi, 89. min), Bardhi (Hernani, 73. min), Morales (Roger, 62. min) eta Borja Mayoral.
2 - Athletic Club: Unai Simon; De Marcos, Nuñez, Iñigo Martinez, Balenziaga; Unai Lopez, Vesga, Sancet (Cordoba, 67. min), Williams (Lekue, 67. min), Muniain (Kodro, 87. min) eta Raul Garcia (Villalibre, 87. min).
Golak: 0-1, 4:. min Raul Garcia. 0-2, 45. min: Raul Garcia. 1-2, 71. min: Bardhi.
Epailea: Alberola Rojas. Txartel horia atera dio Iñigo Martínez Athleticeko jokalariari.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.