Porrota jaso du Athleticek Balaidosen eta punturik gehitu gabe jarraitzen du
Athleticek porrota jaso du Balaidosen eta punturik gehitu gabe jarraitzen du (1-0). Iago Aspasek egin du neurketako lehen eta gol bakarra. VARak gainbegiratu egin du gola ziurgabetasuna baitzen nagusi zelaian.
Escribak ohiko taldea aurkeztu duen bitartean, Garitanok Balenziaga eta De Marcos zelairatu ditu lehen hamaikakoan. Azken hau lesio batetik dator, hil eta erdi zelaietatik kanpo egon ostean, alegia.
Biek ala biek mugimendu eta joko gutxi erakutsi dute eta Athleticek apenas ez du aurkariaren zelaian aukerarik sortu.
Erritmo eta ezuste gutxirekin erasoan, talde galiziarrak kornerretik atera, Santi Minak buruz jo eta Iago Aspasek golean bilakatu du jokaldia. Epaileak ezeztatu egin du gola jokoz kanpo zela adierazita, baina VARak gainbegiratzean, Williams aurrean zegoela konturatu dira eta baiezkotzat eman dute gola.
Athleticek aldaketak egin ditu golari aurre egin eta markagailua iraultzeko asmoarekin, beraz, Garitanok Aduriz eta Larrazabal zelairatu ditu.
Hala ere, ez dute aukera handirik sortu 90. minutura arte non Balenziagak jokaldi arriskutsu bat egin duen berdinketaren ametsa egi bilakatu nahian, hala ere, amets hutsean soilik geratu da eta Athleticek galdu egin ditu zortzigarren jardunaldiko hiru puntuak.
Fitxa teknikoa:
1- Celta: Ruben; Hugo Mallo, Araujo, Aidoo, Olaza; Lobotka (Pape Cheikh, 82. min), Okay, Rafinha (Brais Mendez, 71. min), Denis Suarez (Beltran, 87.min; Iago Aspas, Santi Mina.
0- Athletic: Unai Simon; Capa, Yeray, Iñigo Martínez, Balenziaga; Dani Garcia, Vesga (Larrazabal, 81. min); De Marcos (Sancet, 65. min), Raul Garcia, Muniain (Aduriz, 81. min) eta Williams.
Gola: 1-0 Aspas, 74. min
Zure interesekoa izan daiteke
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.
Maddi Torrek Athleticekin berritu du, 2027ra arte
30 urteko erdiko atzelaria, Donostian jaioa eta Sopelan hazia bera, Athleticetik irten zen 2016an, 2015-2016 denboraldiko Liga irabazita, eta 2023an klub zuri-gorrira bueltatu zen: “18 urte nituen adina energia daukat, anbizio bera”, nabarmendu du, berritu eta gero.
Senideek, lagunek eta Athleticeko jokalari ohiek azken agurra eman diote Carmelo Cedrun atezain zuri-gorriari
Bertaratutakoen artean talde bilbotarreko zuzendariak zeuden, Jon Uriarte presidentea buru zutela, eta Athleticeko jokalari ohi ugari, hala nola Dani, Andoni Goikoetxea edo Jose Angel Iribar, Carmelo Cedruni zuri-gorrien atean lekukoa hartu ziona.
Edin Terzicek aurreneko aldiz zuzendu du entrenamendua Lezaman
Asteartean aurkeztu zuten entrenatzaile alemaniarraren esanetan, Athleticeko 29 jokalari aritu dira, denboraldiaurrean lehenengoz, klub zuri-gorriaren instalazioetan.
Unai Gomezek Udinesekin sinatu du, Athleticek salduta
Erdilari bermeotarrak, 23 urtekoa bera, Athleticeko lehen taldean 117 partida ofizial jokatuta utzi du klub zuri-gorria; 2023an egin zuen debuta Lehen Mailan. Athleticek zehaztu du kopuru finko bat eskuratuko duela transferentziagatik, eta aldagai ekonomikoak gordetzen dituela helburuen, etorkizuneko salmentaren ehunekoaren eta lehentasunez erosteko eskubidearen arabera.
Edin Terzic Athleticen entrenatzaile berria, bere aurkezpenean: “Lehenengo erantzuna Lezama da”
Alemaniarrak, asteartean, aurrenekoz egin du agerraldia talde zuri-gorriaren entrenatzaile bezala, Bilbon. Terzicek nabarmendu du ez duela fitxaketarik eskatu, uste baitu jokalari onak dituela bere esanetara, eta azpimarratu du ilusio handia duela Athleticen lan egiteagatik eta taldea San Mamesen zuzendu ahal izateagatik.
Andoni Gorosabel, denboraldiaurreko lehen lesionatua Athleticen
Hegaleko zuri-gorriak "lesio moderatua du eskuin aduktore luzean", eta "bilakaeraren zain" dago, klubak argitaratutako oharraren arabera.
Athleticek denboraldiaurreari ekin dio, jokalariei lehenengo mediku azterketak eginda
Edin Terzic entrenatzaile berriaren esanetara, talde zuri-gorriko futbolariei, Lezaman, denboraldi hasierako azterketa mediku ohikoak egiten hasi zaizkie.
Carmelo Cedrun Athleticeko atezain mitikoa zendu da
Carmelok Liga eta Kopa irabazi zituen euskal klubean, eta hamalau denboraldi eman zituen Bilboko taldean, 1950-1951 denboralditik 1963-1964 denboraldira bitartean. Guztira, 404 partida jokatu zituen Athleticekin; Raimundo Perez Lezamaren lekukoa hartu zuen, atepean, eta Jose Angel Iribarrek jaso zuen berea. 95 urte zituela hil da.
Maite Zubietak Atletico Madrilekin sinatu du 2028ra arte
Bizkaitarra Athleticen eman ditu azkeneko lau denboraldiak, 103 partida jokatuta.