Athletici ihes egin dio garaipenak azken hasperenean
Athletici ihes egin dio garaipenak azken hasperenean. Oscar Planoren gol batek 92. minutuan, hau da, luzapenean, berdinketa ezarri du San Mameseko markagailuan, Aritz Adurizek penaltiz gola egin eta zurigorriek hiru puntuak eskuratuko zituztela zirudienean, hain zuzen ere.
Valladoliden golak, ordea, oihu guztiak baretu eta afizioaren poza zapuztu du Adurizek harmailan zegoen Jon Rahm golflari lagunaren "putt" bat izango balitz bezela jaurtiz penaltia. Korrikaldi txikirik egin gabe eta jaurtiketa motel batekin egin du gola Adurizek Enric Masipen atearen barruan erdiratuz. Ondo bota da atezaina baloiaren bila, baina ezin izan du denak aho zabalik utzi dituen jaurtiketa gelditu.
Luzapenean egindako akatsaren ondorioz, hiru puntuak lortu ez arren, Athleticek jaitsiera postuetatik kanpo emango dio amaiera urteari Vila-Realek eta Madrilek urtarrilaren 3an 17. jardunaldiko partida jokatu arte, behintzat. Orduan ikusi beharko da Vila-Realek egiten duenaren arabera jaitsiera postuetara bueltatzen diren edota postua mantentzen ote duten zurigorriek.
Valladolidek bestalde, sailkapeneko erdialdeko postuetan dirau Oscar Planoren golari esker erdietsitako berdinketaren ondorioz.
Fitxa teknikoa:
1 - Athletic: Iago Herrerin; Capa, Yeray, Iñigo Martinez, Yuri Berchiche; Williams, Dani Garcia, Beñat (San Jose, 76.m), Muniain (Cordoba, 67.m); Raul Garcia (Guruzeta, 85.m) eta Aduriz.
1 - Valladolid: Masip; Javi Moyano (Borja Fernandez, 74.m), Kiko Olivas, Calero, Nacho; Keko Gontan (Antoñito, 75.m), Ruben Alcaraz, Michel, Oscar Plano; Leo Suarez (Verde, 60.m) eta Enes Ünal.
Golak: 1-0, 45.m: Aduriz, penaltiz. 1-1: Oscar Plano.
Epailea: Sanchez Martinez.
VAR: Santiago Jaime Latre.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.