Uribe-Echevarria Athleticeko hauteskundeetara aurkeztuko da
Alberto Uribe-Echevarriak, orain arte Athleticeko Zuzendaritza Batzordeko diru-zaina izandakoak, talde zuri-gorriko presidente izateko hautagaitza ofiziala aurkeztuko du datozen egunetan. Hala baieztatu du Uribe-Echevarriak berak Facebook bidez argitaratu duen ohar baten bidez, Euskal Telebistak albistea aurreratu ostean.
"Ohar labur honen bitartez, Athletic Clubek Presidentetza eta Zuzendaritza Batza aukeratzeko abian ipini duen hauteskunde prozesuan nire hautagaitza aurkeztea erabaki dudala jakinarazi nahi dizuet", baieztatu du.
Horrenbestez, Uribe-Echevarriarena oraintsu arte kluba zuzentzen egon den lantaldearen bide beretik joango den hautagaitza izango da, eta berarekin batera lehen ere zuzendaritzako kideak izandakoak zein izen berriak aurkeztuko dira. "Hurrengo egunotan hautagaitzaren behin betiko osaketa jakinaraziko dizuegu, azken Zuzendaritza Batzan egon diren partaidez eta baita horren kanpo egon diren eta, halaz ere, gure Klubeko ikuspegia arlo askotan partekatzen duten pertsonez ere osaturik", gaineratu du Uribe-Echevarriak aipatu oharrean.
Ekonomialari bilbotarra Athleticen gai ekonomikoen arduradun nagusia izan da azken zazpi urteetan, eta hori dela-eta (hots, orain arteko zuzendaritzako partaide izateagatik), ez dauka zertan 19 milioi euro inguruko diru bermea jarri behar. Aitzitik, gainerako balizko hautagaiek nahitaez bete beharko lukete baldintza hori.
Hautagaitzak aurkezteko epea asteazkenean, azaroaren 28an zabaldu zen, eta abenduaren 7an itxiko da. Horrela, Uribe-Echevarriarena ofizialki aurkeztuko den lehen hautagaitza izango da.
Dimisioak Kudeaketa Batzordean
Bestalde, Athleticek jakitera eman duenez, Kudeaketa Batzordeko bost kidek (Elaia Gangoiti, Laura Martinez, Javier Aldazabal, Genar Andrinua eta Ignacio Palacios-Huerta) dimisioa eman dute euren karguetatik. Itxura guztien arabera, izen horiek Uribe-Echevarriaren hautagaitzarekin bat egingo lukete.
Hartara, une honetan hiru pertsonak osatzen dute Kudeaketa Batzordea: Josu Urrutiak, Jon Muñozek eta Jokin Garateak.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.