Vila-realek garaipen argia lortu du San Mamesen
Vila-realek lehen aldiz irabazi du San Mames zelai berrian (0-3) Pablo Fornalsen kalitatearen eskutik. Bera izan da bere taldearen lehen gola sartu duena, areaz kanpotik egin duen jaurtiketa ikusgarri baten bitartez.
Castelloneko erdilariak jaurtiketa loratu bat egin du 30 metro ingurutik, 65. minutuan, eta horren aurrean ezin izan duen ezer egin Unai Simonek. Lehen gol horren atzetik heldu dira kanpotarren beste biak, talde zuri-gorriaren ezintasunaren aurrean.
Ramiro Funes Mori argentinarrak korner batean buruz sartu du bigarrena. Jokaldi eztabaidatsua izan da, bideo-arbitrajearen beharra izan baitu epaileak; izan ere, Funes Morik jauzi egin duenean Iñigo Martinezi falta egin ote dion ematen zuen, baina epaileek ez dute hala erabaki.
Hirugarren gola kontraeraso baten bitartez gauzatu dute Vila-realekoek, Toko Ekambi aurrelari frantziarrak bere abiadura eta indarra baliatu ditu Unai Nuñez defentsa atzean utzi eta Athleticen atezaina gainditzeko.
Garaipen argia eskuratu dute bisitariek markagailuari dagokionez, baina gehiegizkoa agian norgehiagokaren lehen orduan zelai gainean ikusitakoagatik. Tarte horretan, Vila-real ez da Athletic baino gehiago izan; are gehiago, zuri-gorriek bigarren zatiko hastapenean izan dituzte neurketako beren aukera nabarmenenak.
Yuri Berchiche ezker hegaletik barneratu da, eta zarauztarrak area barruan egindako ahaleginak Asenjoren erantzuna aurkitu du. Ia jarraian, Williamsek buruz errematatu du korner bat, eta Sergio Asenjo Vila-realen atezainak besoarekin alderatu du, ia nahigabe.
Aitzitik, talde horiaren lehen gola jaso ostean, Athleticek ez du aurkitu lehia berdintzeko modurik, eta, kontrara, bisitariek aukera garbiak pilatu dituzte. Besteak beste, asko nabarmendu den Gerard aurrelariak bi abagune izan ditu, baina lehendabizikoan Unai Nuñez argi ibili da arriskua aldentzeko, eta, bigarrenean, Simonek gelditu ona egin dio katalanari.
Hala ere, esan bezala, korner batean Javi Callejaren mutilek bigarren gola lortu dute (Funes Mori, 80. min), eta, partida amaitzear zegoela, Ekambi frantziarrak castelloarren garaipena biribildu duen hirugarrena erdietsi du.
Emaitza horrekin Athletic sailkapenaren erdialdean geratu da, sei punturekin; Vila-realek, berriz, zortzi pilatu ditu.
Fitxa teknikoa:
Athletic 0: Unai Simon; De Marcos (Guruzeta, 82. min), Unai Nuñez, Iñigo Martinez, Yuri Berchiche; Iturraspe (Unai Lopez, 66. min), Beñat, Muniain; Capa, Raul Garcia (Córdoba, 69. min) eta Williams.
Vila-real 3: Asenjo; Mario, Alvaro, Victor Ruiz, Jaume Costa; Funes Mori, Layun (Cazorla, 63. min), Trigueros, Pablo Fornals; Gerard Moreno (Pedraza, 87. min) eta Bacca (Ekambi, 59. min).
Golak: 0-1, 65. min: Fornals. 0-2, 80. min: Funes Mori. 0-3, 89. min: Ekambi.
Epailea: Del Cerro Grande. Txartel horiak: De Marcos (73. min); Victor Ruiz (76. min).
Zure interesekoa izan daiteke
Edin Terzic: “Talde askok sufitzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.