Athleticek irabazi egin du Valladoliden aurka jokatu duen lagunartekoa (3-1)
Athleticek 3-1 irabazi dio Valladolidi Lezaman, ateak itxita, jokatu duten lagunarteko neurketa.
Talde biek euren sare sozialetatik jakitera eman dutenaren arabera, bisitariak aurretik jarri dira markagailuan, 34. minutuan, Keko Gontanen golaren bitartez. Athleticek atsedenaldira iritsi aurretik (41. min) erdietsi du markagailuan berdinketa jarri duen gola, Williamsen eskutik.
Bigarren zatian, Mikel San Josek lortu du 2-1ekoa, 61. minutuan, Valladolid hamar jokalarirekin ari zenean, Borja Fernandez zelaitik kanpo baitzegoen une horretan. Zuri-gorrien hirugarren eta azken gola, berriz, Unai Lopez erdilariak sartu du minutu batzuk geroago.
Berizzok hamaikako hau zelairatu du lehen zatian: Remiro; Capa, Yeray, Nolaskoain, Yuri Berchiche; Dani García, Beñat, Raul Garcia, Muniain, Susaeta eta Williams.
Bigarren zatian, goitik behera aldatu du taldea, eta beste jokalari hauek erabili ditu: Oleaga, De Marcos, San Jose, Gorka Perez, Balenziaga, Mikel Rico, Iturraspe, Unai Lopez, Cordoba, Ganea eta Guruzeta.
Valladolid taldean, bestalde, Sergio Gonzalez entrenatzaileak jokalari hauek erabili ditu: Masip (Yoel, 46. min), Antoñito, Mario, Salisu (Guitian, 80. min), Moi, Borja (Luismi, 61. min), Míchel (Cotán, 80. min), Keko (Waldo, 65. min), Leo Suarez, Oscar Plano (Miguel, 65. min) eta Verde (Raul Navarro, 73. min).
Zure interesekoa izan daiteke
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.
Maddi Torrek Athleticekin berritu du, 2027ra arte
30 urteko erdiko atzelaria, Donostian jaioa eta Sopelan hazia bera, Athleticetik irten zen 2016an, 2015-2016 denboraldiko Liga irabazita, eta 2023an klub zuri-gorrira bueltatu zen: “18 urte nituen adina energia daukat, anbizio bera”, nabarmendu du, berritu eta gero.
Senideek, lagunek eta Athleticeko jokalari ohiek azken agurra eman diote Carmelo Cedrun atezain zuri-gorriari
Bertaratutakoen artean talde bilbotarreko zuzendariak zeuden, Jon Uriarte presidentea buru zutela, eta Athleticeko jokalari ohi ugari, hala nola Dani, Andoni Goikoetxea edo Jose Angel Iribar, Carmelo Cedruni zuri-gorrien atean lekukoa hartu ziona.
Edin Terzicek aurreneko aldiz zuzendu du entrenamendua Lezaman
Asteartean aurkeztu zuten entrenatzaile alemaniarraren esanetan, Athleticeko 29 jokalari aritu dira, denboraldiaurrean lehenengoz, klub zuri-gorriaren instalazioetan.
Unai Gomezek Udinesekin sinatu du, Athleticek salduta
Erdilari bermeotarrak, 23 urtekoa bera, Athleticeko lehen taldean 117 partida ofizial jokatuta utzi du klub zuri-gorria; 2023an egin zuen debuta Lehen Mailan. Athleticek zehaztu du kopuru finko bat eskuratuko duela transferentziagatik, eta aldagai ekonomikoak gordetzen dituela helburuen, etorkizuneko salmentaren ehunekoaren eta lehentasunez erosteko eskubidearen arabera.
Edin Terzic Athleticen entrenatzaile berria, bere aurkezpenean: “Lehenengo erantzuna Lezama da”
Alemaniarrak, asteartean, aurrenekoz egin du agerraldia talde zuri-gorriaren entrenatzaile bezala, Bilbon. Terzicek nabarmendu du ez duela fitxaketarik eskatu, uste baitu jokalari onak dituela bere esanetara, eta azpimarratu du ilusio handia duela Athleticen lan egiteagatik eta taldea San Mamesen zuzendu ahal izateagatik.
Andoni Gorosabel, denboraldiaurreko lehen lesionatua Athleticen
Hegaleko zuri-gorriak "lesio moderatua du eskuin aduktore luzean", eta "bilakaeraren zain" dago, klubak argitaratutako oharraren arabera.
Athleticek denboraldiaurreari ekin dio, jokalariei lehenengo mediku azterketak eginda
Edin Terzic entrenatzaile berriaren esanetara, talde zuri-gorriko futbolariei, Lezaman, denboraldi hasierako azterketa mediku ohikoak egiten hasi zaizkie.
Carmelo Cedrun Athleticeko atezain mitikoa zendu da
Carmelok Liga eta Kopa irabazi zituen euskal klubean, eta hamalau denboraldi eman zituen Bilboko taldean, 1950-1951 denboralditik 1963-1964 denboraldira bitartean. Guztira, 404 partida jokatu zituen Athleticekin; Raimundo Perez Lezamaren lekukoa hartu zuen, atepean, eta Jose Angel Iribarrek jaso zuen berea. 95 urte zituela hil da.
Maite Zubietak Atletico Madrilekin sinatu du 2028ra arte
Bizkaitarra Athleticen eman ditu azkeneko lau denboraldiak, 103 partida jokatuta.