Guruzetari ebakuntza egin diote pubisean, eta uztailean prest egotea espero dute

Bilbao Athleticeko aurrelari Gorka Guruzetari ebakuntza egin diote pubisean. Athleticeko zerbitzu medikoen kalkuluen arabera, "uztailaren hasierarako prest" egongo da. Momentu horretan hasiko da denboraldi-aurrea. Izan ere, Eduardo Berizzo entrenatzaileak lehen taldearekin denboraldi-aurrea egiteko deitu du.

Esan dutenez, "horma abdominalaren errefortzua" egin diote, "amaitu berri den denboraldian jasan duen pubiseko patologia sendatzeko".

21 urteko gipuzkoarra Bilbao Athleticeko golegilea izan zen aurreko denboraldian, 18 tantorekin.

Athleticekin denboraldi-aurrea egiteko deitu du Berrizok, Unai Simon, Andoni Lopez, Peru Nolaskoain, Iñigo Vicente eta Iñigo Muñozekin batera.