Athleticek porrotarekin eta joko kaskarra eskainita agurtu du denboraldia
Athleticek 0-1 galdu du Espanyolen aurka San Mamesen, Ligako azken jardunaldiko partida eta agur esan dio 2017-2018. denboraldiari, zaleen txistuen artean. Jose Angel Zigandaren azken partida ofiziala izan da Athleticeko entrenatzaile karguan.
Egin duen denboraldi kaskarrarekin eta bere zaleen aurrean denboraldiko azken partida jokatu arren, talde zuri-gorriak ez dio ondo ekin neurketari eta 9. minutuan Espanyolek aurrea hartu du; korner baten David Lopezek 0-1ekoa sartu du, Athleticeko defentsek emandako erraztasunez baliatuta. Gola hartu ostean saiatu da Athletic berdinketa lortzen, baina kosta egin zaio abaguneak sortzea. Adurizek izan du gola sartzeko aukera argiena, baina bere errematea kanpora joan da, eta Diego Lopez atezainak erantzun bikaina eman dio Muniainen jaurtiketa bati. Espanyolek izan du lehen zatiko azken abagunea, baina Gerard Morenoren jaurtiketa kanpora joan da gutxigatik.
Bigarren zatiaren hasieran Athletic izan da baloiaren jabe, baina Zigandak zuzentzen duen taldeak ez du sakontasunik izan eta abagune onenak Espanyolek izan ditu. Kepa atezainak perikitoen gola eragotzi du 58. minutuan Sergio Garciaren errematea desbideratuta eta Sergio Garciak berak, gutxigatik kanpora bidali du beste jaurtiketa bat. Athleticen erantzuna ez da etorri 75. minutura arte; Lekuek jokadli ona egin du, eta bere erremateak ez du aurkariaren atea aurkitu. Sei minutu beranduago, Kepa Arrizabalaga atezainak perikitoen gola eragotzi du, Melendok egin duen jaurtiketari erantzun ezin hobea emanda. Azken minutuetan Athletic ez da gai izan abaguneak sortzeko eta Espanyolek eraman du garapena (0-1).
Fitxa eknikoa:
0 - Athletic: Kepa; Unai Nuñez, Yeray, Etxeita (Cordoba, m.62); De Marcos, Beñat, Vesga (Iturraspe, m.58), Lekue; Williams (Sabin Merino, m.72), Muniain, Aduriz.
0 - Espanyol: Diego Lopez; Javi Lopez, David Lopez, Naldo, Didac Vila (Aaron, m.55); Leo Baptistao (Sergi Darder, m.83), Marc Roca, Victor Sanchez, Piatti (Melendo, m.63); Sergio Garcia eta Gerard Moreno.
Gola: 0-1, m.9: David Lopez.
Epailea: Fernandez Borbalan. Txartel horia atera dio Javi Lopezi (m.81).
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.