Albiste da:

Jainaga Athleticeko presidente izateko hautagai izango da

Jose Antonio Jainaga, Sidenorreko kontseilari delegatuak astelehen honetan esan duenez, "inoiz ez dut esan publikoki Athleticeko hauteskundeetara aurkeztuko naizenik, gaur esan dudan arte".

Jose Antono Jainaga. Argazkia: EFE — Jose Antono Jainaga, Sidenorreko kontseilari delegatua. Argazkia: EFE

ERREDAKZIOA

2018/02/12 - 21:23

Azken eguneratzea

2018/02/12 - 22:16

Jose Antonio Jainaga, Sidenor enpresako kontseilari delegatua, Athleticeko presidente izateko hautagai izango da. Datzoen hauteskundeetara aurkeztuko dela baieztatu du 'Euskadi Avanza' sari-banaketaren ostean egin den mahai-inguruan.

"Kafe makinan mundu guztiak hitz egiten du edozein gauzari buruz, baina nik ez dut publikoki inoiz esan Athleticeko presidente izateko hautagai izango naizela, gaur esan dudan arte", adierazi du Jainagak.

Ingeniaria da, bilbotarra eta 63 urte ditu Jose Antonio Jainagak. Athleticeko presidentea aukeratzeko hauteskundeek, ordea, ez dute datarik oraindik, baina badirudi 2018. urte amaieran egingo direla.