Vesga: 'Utzita egon izanak goi-mailan lehiatzeko gai naizela erakutsi dit'
Mikel Vesga Athleticeko jokalaria izan da protagonista astearte honetan Lezamako prentsa-aretoan. Zigandarekin hasieratik jokatu ditu lehen partida ofizialak eta gogotsu azaldu da erdilaria.
"Iragan denboraldian utzita egon izanak erakusti dit Lehen Mailan lehiatzeko gai naizela. Konfiantza hartzeko balio izan dit", esan du iragan denboraldian Sportingen utzita egon zen jokalariak.
Hasierako hamaikakoan egon da Vesga Europa Ligako atariko Q3 kanporaketako bi partidetan Beñatekin batera eta pozik dagoen arren, badaki bere postuan lehiakortasun handia duela Beñatekin, San Joserekin eta Mikel Ricorekin: "Gure postuan dagoen lehiakortasuna ikusita ez da erraza hasierako hamaikakoan sartzea. Ez nekien Athleticen geratuko nintzen edo berriro utzita irten beharko nuen. Hala ere, gogotsu iritsi nintzen denboraldiaurrera eta gogotsu jarraitzen dut. Hau hasi besterik ez da egin, eta gogotik lan egin behar da hamaikakoan tokia izateko. Oso pozik nago Athleticen geratzeagatik".
Ziganda konfiantza ematen ari zaio Vesgari eta entrenatzaileaz galdetuta, hauxe esan du erdilariak: "Valverdek proposatzen zuenaren antzeko jokoa proposatzen du. Taldearentzat aldaketa txikia izan da Ziganda urte askotan Lezaman egon delako. Konfiantza eskaintzen digu, eta badaki jokalari bakoitzak zer eman dezakeen".
Europa Ligako atariko azken kanporaketari buruz ere hitz egin du Vesgak. "Panathinaikos da egokitu zaigun aurkaria eta kanporaketa ahalik ondoen prestatu behar dugu", esan du Mikel Vesgak.
Zure interesekoa izan daiteke
Naroa Uriartek 25 urterekin utziko du futbola, bi belauneetan lesio larriak izan ondoren
Bakioko jokalaria 2018an Munduko eta Europako 17 urtez azpiko txapeldun izan zen. Zazpi denboraldi eman ditu futbolaren maila gorenean. Talde zuri-gorriarekin 38 neurketa ofizial jokatu ditu eta, gainera, bi denboraldi eman ditu utzita Granadan. Igandean omenaldia egindo diote Lezaman.
Athleticek DUX Logroñori irabazi dio Las Gaunasen eta liga lehen zortzien artean amaitzea ziurtatu du (0-2)
Javi Lergak zuzentzen duen taldeak aurrea hartu du 15. minutuan, Ane Azkonak sartutako golari eskerz. Bigarren zatian, Maddi Torrek bigarren gola egin du 52. minutuan. Zuri-gorriek datorren denboraldian Erreginaren Kopako kanporaketa bat gutxiago jokatu beharko dute.
Naia Landaluzek 2028ra arte berritu du kontratua Athleticekin
Elastiko zuri-gorriarekin 100 partidatik gora jokatu dituen Orozkoko atzelariak beste bi denboraldiz luzatu du kontratua.
Valverde: “Hemen ikusi dut nire burua islatuta, aitortuta; klan bat gara eta hori da dagoena”
Larunbat honetan, Athleticek, Real Madrilen aurka neurtuko ditu, Valverderen azken partidan. Entrenatzaile zuri-gorria etxean egingo duen azken prentsaurrekoan agertu da eta partidaz, klubean izandako ibilbideaz eta Kopako garaipenaz hitz egin du bertan. (Bideoa gazteleraz).
Ane Azkonak Athleticen jarraituko du 2028ra arte
Aurrelari nafarrak hamar urte beteko ditu azaroan debuta egin zuenetik, eta bi denboraldiz luzatu du kontratua.
Athleticek bana egin du Celtarekin, aurtengo Ligan San Mamesen jokatu duen azken partidan
Swedbergek galiziarrak aurreratu ditu lehen zatian eta Iñaki Williamsek, berriz, berdinketa egin du bigarrenean. Valverderen eta Lekueren azken partida izan da Katedralean.
Valverde: "Iritsi gara lehen solairura, ea pixka bat gorago iritsi gaitezkeen"
Ernesto Valverdek, Athleticeko entrenatzaileak, "zapore onarekin" agur esan nahi duela azpimarratu du, Celtaren aurka garaipena eskuratuta; denboraldi "zail" baten ostean San Mamesen jokatuko duen azken partida izango baita.
Egiluzek min hartu du berriro eskuineko belaunean
Erdiko atzelariak haustura du berriro eskuin belauneko aurreko lotailu gurutzatuko plastian.
Dani Vivianek bihurdura bat dauka orkatilan, eta Celtaren aurkako partidarako baja izan daiteke
Athleticeko atzelaria, asteazkenean, Bartzelonan, Espanyolen aurka jokatutako partidaren atsedenaldian kendu behar izan zuen Ernesto Valverdek. Vivianek bere eskuineko orkatilaren kanpoko alboko lotailuan lesio bat du.
Yeray Alvarez: “Taldea minduta dago, baina aurrera begiratzea besterik ez zaigu geratzen"
Athleticek 2-0 galdu du Espanyolen aurka, eta horrek "inoren lurraldean" egotetik atera ditu, Yeray Alvarezek azaldu duenez. EA Sports Ligan bizi den egoera kontuan hartuta, atzelariak argi dauka: "Final bati bezala begiratu behar diogo Celtaren aurkako partidari".