Zigandaren Athletic uztailaren 3an hasiko da lanean

Athletic Club taldeak astelehen honetan jakinarazi duenez, lehen taldeak uztailaren 3an ekingo dio 2017/2018 denboraldi-aurreari Lezamako kirol instalazioetan, Jose Angel 'Kuko' Ziganda entrenatzaile berriaren aginduetara.

Modu honetan, talde zuri-gorria Europa Ligarako sailkatzeko hirugarren kanporaketa prestatzen hasiko da. Joaneko partida uztailaren 27an izango da, eta bueltakoa, berriz, abuztuaren 3an, UEFAk baieztatu duen moduan.

'Kuko' Zigandak zuzenduko duen taldea 30. aldiz eta laugarrenez jarraian sailkatu da Europan jokatzeko, eta uztailaren 14an jakingo du sailkatze kanporaketan zein talde izango duen aurkari.