Athleticek etxeko bolada onari eutsi dio Malagari irabazita
Athleticek 1-0 irabazi dio Malagari San Mamesen, eta Europako postuetatik lau puntura jarri da, LaLigako sailkapenean zazpigarren postuan. Etxean sendo jarraitzen du Ernesto Valverdek zuzentzen duen taldeak.
Partida bizi hasi da Malagaren hiru abagune argirekin: 2. minutuan, Iraizozek Charlesen errematea harrapatu du; jarraian, Jonyren jaurtiketari erantzun ona eman dio Athleticeko atezainak; eta 6. minutuan, Charlesek kanpora bidali du errematea, gutxigatik. Athleticen erantzuna 9. minutuan etorri da, Lekueren bolea baten bitartez; langa gainetik joan da kanpora. Minutuak aurrera joan ahala, zuri-gorriak baloiaren jabe egin dira, eta 23. minutuan, Kamenik Athleticen gola eragotzi du, Juankarrek huts larria egin ostean. Lehen zatiko azken txanpan, Valverdek zuzentzen duen taldeak hiru abagune argi izan ditu: Yerayren errematea gutxigatik kanpora joan da, 37. minutuan; gero, Raul Garciaren erremate ikusgarria gora joan da; eta 45. minutuan, Demichelisek Athleticen gola eragotzi du Lekueren jaurtiketa desbideratuta.
Bigarren zatiaren hasieran, Malagak bi abagune argi izan ditu, baina Iraizozek gola eragotzi du, Jonyren burukadari erantzun bikaina emanda, eta hurrengo jokaldian, Diego Llorenteren errematea kanpora joan da lehen zutoinean. Neurketako 55. minutuan, Raul Garciak gora bidali du buruz egindako errematea. Ondorengo minutuetan, bi taldeei asko kosta zaie abagune argiak sortzea, eta epaileak Athleticen aldeko penaltia adierazi du 72. minutuan, Camachok eskuarekin moztu baitu baloia area barruan. Raul Garciak hartu du erantzunkizuna eta 1-0ekoa sartu du. Azken minutuetan, Malagak erasora jo du, baina ez du arrisku handiegirik eraman Iraizozen ate ingurura. Amaieran, hiru puntuak San Mamesen geratu dira.
Fitxa teknikoa:
1 - Athletic Club: Iraizoz; Lekue, Yeray, Laporte, Balenziaga; Iturraspe, San Jose; Susaeta (Saborit, 85. min), Raul Garcia, Muniain (Villalibre, 62. min); eta Williams (Bóveda, 77. min).
0 - Malaga CF: Kameni; Rosales, Luis Hernández, Demichelis, Juankar; Keko (En Nesiry, 79. min), Camacho (Sandro, 85. min), Diego Llorente, Jony (Chory Castro, 73. min); Pablo Fornals eta Charles.
Golak: 1-0, 72. min: Raul Garcia, penaltiz.
Epailea: Alvarez Izquierdo.
ierdo.
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.