Ziprerako gomendioak Athleticeko zaleentzat
APOEL FC klubak Ziprera APOEL-Athletic Europa Ligako partida ikustera joatekoak diren zaleei jakinarazteko gomendi hauek helarazi dizkio Athletic Clubi:
-EZ da topagunerik antolatuko gure zaleentzat.
-Zipreko poliziak hoteletatik eskoltatuko ditu autobusak.
-GSP estadioan kanpoko zaleentzat prest dauden ateak 17:30ean irekiko dituzte (Zipreko ordua); Athletic Clubeko jarraitzaileek, beranduen jota, 18:00etarako, partida hasi baino bi ordu lehenago, barruan beharko dute egon.
-Talde txikitan edota bakarka doazen zaleei estadiora garaiz joatea eta hiri barruko joan-etorrietan kontuz ibiltzea gomendatzen diete.
-Behin partida amaitu eta gero, zaleak euren jesarlekuetan geratuko dira zain. Horren inguruko abisuak zabalduko dira megafoniaren bitartez.
Halaber, Athletic Clubek bere bazkide eta jarraitzaileei gogorarazi dienez, Europa mailako lehiaketetan, segurtasun arrazoiak direla eta, ezinbestekoa da neurketetarako sarrerak klubak eta UEFAk zehazten duten protokoloa betez erostea.
Horrela bakarrik berma daiteke partidara joango diren zaleen nortasuna ezagutzea UEFAk eta klubak, eta etxeko taldeak ezartzen dituen segurtasun guneetan jarri ahal izatea talde bisitariaren zaleak.
Horiek bete ezean, klubak berak edota agintariek sarbidea galaraz diezaiekete bisitarientzat propio prestatu diren segurtasun guneetarako sarrera ez dutenei, edo beste era bateko neurriak har ditzateke. Baliteke kanpoko taldearen zaleak zelaira sartu ahal izatea, baina segurtasun baldintzak bete gabe; izan ere, gerta daiteke horien aulkiak etxeko taldearen zaleen artean egotea
Azkenik, Ertzaintzak 0034 677999701 telefono-zenbakia jarri du erabilgarri, Zipren gerta daitekeen edozein gorabeheraren berri emateko.
berri emateko.Zure interesekoa izan daiteke
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.
Maddi Torrek Athleticekin berritu du, 2027ra arte
30 urteko erdiko atzelaria, Donostian jaioa eta Sopelan hazia bera, Athleticetik irten zen 2016an, 2015-2016 denboraldiko Liga irabazita, eta 2023an klub zuri-gorrira bueltatu zen: “18 urte nituen adina energia daukat, anbizio bera”, nabarmendu du, berritu eta gero.
Senideek, lagunek eta Athleticeko jokalari ohiek azken agurra eman diote Carmelo Cedrun atezain zuri-gorriari
Bertaratutakoen artean talde bilbotarreko zuzendariak zeuden, Jon Uriarte presidentea buru zutela, eta Athleticeko jokalari ohi ugari, hala nola Dani, Andoni Goikoetxea edo Jose Angel Iribar, Carmelo Cedruni zuri-gorrien atean lekukoa hartu ziona.
Edin Terzicek aurreneko aldiz zuzendu du entrenamendua Lezaman
Asteartean aurkeztu zuten entrenatzaile alemaniarraren esanetan, Athleticeko 29 jokalari aritu dira, denboraldiaurrean lehenengoz, klub zuri-gorriaren instalazioetan.
Unai Gomezek Udinesekin sinatu du, Athleticek salduta
Erdilari bermeotarrak, 23 urtekoa bera, Athleticeko lehen taldean 117 partida ofizial jokatuta utzi du klub zuri-gorria; 2023an egin zuen debuta Lehen Mailan. Athleticek zehaztu du kopuru finko bat eskuratuko duela transferentziagatik, eta aldagai ekonomikoak gordetzen dituela helburuen, etorkizuneko salmentaren ehunekoaren eta lehentasunez erosteko eskubidearen arabera.
Edin Terzic Athleticen entrenatzaile berria, bere aurkezpenean: “Lehenengo erantzuna Lezama da”
Alemaniarrak, asteartean, aurrenekoz egin du agerraldia talde zuri-gorriaren entrenatzaile bezala, Bilbon. Terzicek nabarmendu du ez duela fitxaketarik eskatu, uste baitu jokalari onak dituela bere esanetara, eta azpimarratu du ilusio handia duela Athleticen lan egiteagatik eta taldea San Mamesen zuzendu ahal izateagatik.
Andoni Gorosabel, denboraldiaurreko lehen lesionatua Athleticen
Hegaleko zuri-gorriak "lesio moderatua du eskuin aduktore luzean", eta "bilakaeraren zain" dago, klubak argitaratutako oharraren arabera.
Athleticek denboraldiaurreari ekin dio, jokalariei lehenengo mediku azterketak eginda
Edin Terzic entrenatzaile berriaren esanetara, talde zuri-gorriko futbolariei, Lezaman, denboraldi hasierako azterketa mediku ohikoak egiten hasi zaizkie.
Carmelo Cedrun Athleticeko atezain mitikoa zendu da
Carmelok Liga eta Kopa irabazi zituen euskal klubean, eta hamalau denboraldi eman zituen Bilboko taldean, 1950-1951 denboralditik 1963-1964 denboraldira bitartean. Guztira, 404 partida jokatu zituen Athleticekin; Raimundo Perez Lezamaren lekukoa hartu zuen, atepean, eta Jose Angel Iribarrek jaso zuen berea. 95 urte zituela hil da.
Maite Zubietak Atletico Madrilekin sinatu du 2028ra arte
Bizkaitarra Athleticen eman ditu azkeneko lau denboraldiak, 103 partida jokatuta.