Adurizek azken minutuan eman dio garaipena Athletici San Mamesen (2-1)
Aritz Adurizek hiru puntu balio dituen gol batekin ospatu du bere 36. urtebetetzea. Aurrelari donostiarrak azken minutuetan egindako golari esker, Athletic 2 eta 1 gailendu zaio Coruñako Deportivori San Mamesen. Çolakek aurretik jarri ditu galiziarrak lehen zatian, eta Muniaine eta Adurizen golek emaitza irauli dute.
Gaurkoarekin zortzi aldiz hasi dira zuri-gorriak galtzen, etxean jokatutako neurketetan, eta seigarrenez lortu dute emaitza iraultzea.
Aurtengo denboraldian, Ernesto Valverderen taldeak 16 partida daramatza San Mamesen galdu gabe: 13 garaipen eta hiru berdinketa. Ligako partidei dagokienez, zortzi irabazi eta hiru berdindu dituzte. Adurizek zortzigarren gola lortu du Ligan. Orotara, 15 egin ditu, Europa Liga eta Kopa ere kontuan hartuta.
Deportivok ez du etxetik kanpo neurketarik irabazi, eta gaurkoan lehen garaipena gertu ikusi dute, baina azkenean galtzaile atera da eta jaitsiera postuak gertu dituzte. Bilbotarrak, berriz, Europako lehian sartu dira berriro.
Deportivok aurrea hartu du markagailuan Çolak turkiarrak egindako golari esker. Jaurtiketa ikusgarria egin du, 25 metrotik, eta baloia Iraizozen atean sartu da.
Athleticen golak
Athleticen golak bigarren zatian iritsi dira. Munianek banakoa egin du 71. minutuan, Tyton atezainak area barruan solte utzitako baloia aprobetxatuz.
Eta azken minutuetan, Adurizek era ezin hobean ospatu du bere urtebetetzea bigarrena sartuz, Muniainek, Villalibrek eta Susaetak egindako jokaldian.
Fitxa teknikoa
2 - Athletic: Iraizoz; De Marcos, Yeray, Laporte, Balenziaga; San José, Beñat (Iturraspe, 68. min); Williams (Villalibre, 84. min), Raúl García (Susaeta, 68. min), Muniain; eta Aduriz.
1 - Deportivo: Tyton; Juanfran, Albentosa, Sidnei, Navarro; Guilherme, Borges; Carles Gil, Emre Çolak (Fayçal, 88. min) Kakuta (Ola John, 66. min); eta Andone (Joselu, 87. min).
Golak: 0-1, 42. min: Çolak. 1-1, 71. min: Muniain. 2-1, 89. min: Aduriz.
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.