Hiru minutuan egindako bi golek saririk gabe utzi dute Athletic (2-1)
Dude Cop kroaziarrak eta Victor Rodriguezek bigarren zatiaren hasieran egindako bi golek garaipena eman diote Sportingi Athleticen aurka jokatutako partidan. Bilbotarrek jokoa kontrolatu dute denbora luzean, baina oso aukera gutxi sortu dituzte, eta asturiarrek, aldiz, ondo aprobetxatu dituzte izan dituztenak.
Abelardok sei berritasun egin ditu hasierako hamaikakoa, eta Valverdek aurreko denboraldiko taldearen oso antzeko bat erabili du.
Athletic nagusi izan da, lehen 20 minutuetan batez ere, eta hortxe izan ditu aukerarik onenak.
Hala ere, pixkanaka-pixkanaka, asturiarrek hobera egin dute, Victor Rodriguezen eta Moi Gomezen erasoko jokoari esker.
Gauzak aldatu egin dira bigarren zatiaren hasieran, Sportingek bi gol egin baititu hiru minutuan. Amen batean, 2-0 aurreratu da Abelardoren taldea.
Iraizozek penalti bat gelditu du
Golen ondorioz, Sportingek goitik behera kontrolatu du neurketa. Burguik, Moi Gómezek, Víctor Rodríguezek eta Copek jokaldi arriskutsuak egin dituzte, eta horietako batean, Bovedak falta egin dio Burguiri area barruan, eta epaileak penaltia adierazi du. Iraizozek gelditu egin du jaurtiketa.
Athleticek saiatzen jarraitu du, eta gola egin du azkenean, Viguerak Williamsen jaurtiketa bat nahi gabe desbideratuta. Hala ere, ez da berdinketa lortzeko astirik egon.
Fitxa teknikoa
2.- Sporting: Cuéllar, Lillo, Jorge Meré, Amorebieta, Isma López, Sergio Álvarez (Xavi Torres, 63. min), Nacho Cases, Víctor Rodríguez, Moi Gómez, Burgui (Afif, 71. min) eta Cop (Carlos Castro, 83. min)
1.- Athletic: Iraizoz, De Marcos, Boveda, Laporte, Balenciaga, San José (Vesca, 74. min), Beñat, Williams, Raúl García (Viguera, 63. min), Susaeta (Muniain, 55. min) eta Adúriz.
Golak: 1-0, 50. min: Cop. 2-0, 53. min: Víctor Rodríguez. 2-1, 85. min: Viguera.
Zure interesekoa izan daiteke
Edin Terzic: “Talde askok sufitzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.