Athletic, txapeldun!
Athleticek bosgarrenez irabazi du emakumezkoen Liga Txapelketa, denboraldia amaitzeko jardunaldi bakarra falta denean.
Larunbatean Oviedo Modernori 3 eta 0 irabazi ostean, bilbotarrak Bartzelonaren emaitzaren zain zeuden. Kataluniarrek igande eguerdian jokatu dute Atleticoren aurka, etxean, eta aurreikuspen guztien kontra, galdu egin dute, 0-1. Kataluniarrek denboraldi osoan galdu duten lehen partida izan da.
Athleticek, gainera, Txapeldunen Liga jokatuko du datorren denboraldian.
Joseba Agirrreren jokalariek bosgarren liga txapelketa irabazi dute, 2002/03, 2003/04, 2004/05 eta 2006/07 denboraldietan irabazi ostean.
SAILKAPENA
.1. Athletic 78
.2. Barcelona 74
.3. Atlético de Madrid 66
.4. Levante 54
.5. Real Sociedad 53
.6. Valencia 46
.7. Granadilla 44
.8. Sporting Huelva 43
.9. Espanyol 35
10. Rayo Vallecano 33
11. Transportes Alcaine 32
12. Santa Teresa 29
13. Fundación Albacete 25
14. Oiartzun 24
15. Oviedo Moderno 11
16. Collerense 9
Zure interesekoa izan daiteke
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.
Edin Terzicen Athletic berriak ilusioa berpiztu du zale zuri-gorrien artean: “Proiektu oso ona da”
Bilboko taldeak, ostegunean, Lezaman, zaleen aurrean egin du entrenamendua; 500 bat izan dira bertan. Edin Terzic entrenatzaile berriak utzitako lehen sentsazioak onak dira, EITBk egin dituen elkarrizketetan ikusten denez.
Terzicen Athleticek Derio garaitu du denboraldiaurreko lehen partidan (0-3)
Athleticek denboraldiaurreko lehen lagunartekoa jokatu du gaur Derioren aurka Portugaleten. Terzicen taldea garaile atera da 0-3ko markagailuarekin, eta hiru golak bigarren zatian iritsi dira. Maroan Sannadik zelaia utzi du, belaunetako batean min hartu du eta.
Athletic lanean hasi da, Victor Martinen esanetara: “Taldea ausarta, erasokorra, joko alai eta ikusgarria izatea nahi dut”
Bizkaiko taldeak lehen entrenamendua egin du, Lezaman, entrenatzaile berriarekin. Irene Oguizak, kapitainetako bat bera, nabarmendu du garrantzitsua dela, denboraldiaurrean, jokalariak klubera iritsi berri den talde teknikora egokitzea.
Nico Serranok gihar-lesio arina du, eta ez da taldekideekin aritu
Jokalari nafarrak ezker hankako zuzen femorala du minduta.
Josean Lekuek Nico “ondo" dagoela ziurtatu du, eta iragan denboraldia esparru medikoan aspaldiko “txarrena" izan zela onartu du
Hala ere, "antzeko metodologiarekin", 2024-2025 denboraldian Athleticek laugarren amaitu eta Europa Ligako finalerdiak jokatu zituela, eta azken hamarkadako "onena" izan zela gaineratu du buruzagi mediko zuri-gorriak.
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.