Athleticek garaipen garrantzitsua lortu du Valentziaren aurka
Athleticek garaipen garrantzitsua lortu du Valentziaren aurka (0-3) Mestallan eta hiru puntu hauei esker BBVA Ligako zazpigarren postua berreskuratu du talde zuri-gorriak. Partida oso parekatua izan da 60. minutura arte, baina azken 30 minutuetan Athletic izan da jaun eta jabe, garaipena lortuz.
Lehen zatia oso lehiatua izan da, eta abagune gutxikoa. Athleticek penaltia eskatu du bigarren minutuan, baina epaileak ez du ezer adierazi. Ondoren, 20. minutuan, Valentziako jokalariek eskatu dute penaltia; epaileak, ordea, ez dela penaltirik egon esan du. Bi minutu beranduago, Negredok izan du lehen zatiko abagune onena; Iraizozen aurrean bakarrik geratu da, eta bere jaurtiketa langa gainetik kanpora bidali du. Athleticen erantzuna eta lehen zatian izan duen abagune bakarra Muniainek izan du 30. minutuan, baina jokaldi bikain bat egin ostean jaurtiketa kanpora bidali du, desbideratuta.
Bigarren zatiaren hasieran Valentzia izan da nagusi. 50. minutuan, epaileak baliorik gabe utzi du etxeko taldearen gola, Negredo jokoz kanpoko posizio argian egon baita. Jarraian, Athleticek izan du partidako lehen gola sartzeko aukera. Beñatek bikain ikusi du De Marcosen barnekaldia, honek Sabin Merinori pasea eman eta Diego Alves atezainak gola eragotzi du. 61. minutuan, aldiz, Valentziak izan du markagailuan aurretik jartzeko abagune argia; Alcacerrek, ordea, kale egin du Iraizozen aurkako buruz-burukoan.
Partida 73. minutuan aldatu da. Mikel San Josek erdiraketa ona atera du hegaletik eta Sabin Merinok sare barrura bidali du buruz egin duen errematea (0-1). Ordutik aurrera Athletic jaun eta jabe izan da. Gainera, zuri-gorriek norgehiagoka guztiz erabakita utzi dute hamar minututan. Lehen gola sartu eta sei minutu geroago, bigarren gola sartu du Athleticek. Mikel Ricok baloia lapurtu dio Parejori, Muniaini pasea eman eta honek Alves atezainaren hankapetik sartu du 0-2koa. Ia jarraian, 80. minutuan, Adurizek partida guztiz erabakita utzi du, 0-3koa sartuta. Aurrelari zuri-gorriak ez du gola ospatu bere talde ohiaren zelaian. Hirugarren eta azken gol honekin, garaipenak ez dio alde egin Athletici.
Fitxa teknikoa:
0 - Valentzia: Diego Alves, Cancelo, Mustafi, Santos, Gayà, Enzo Pérez (Piatti, 76. min), Parejo, Andre Gomes, Santi Mina, Negredo (Alcacer, 57. min) eta Cheryshev (Feghouli, 70. min).
3 - Athletic: Iraizoz, Bóveda, Etxeita, Delporte, Balenziaga, Elustondo (San Joe, 62. min), Mikel Rico, Beñat, De Marco (Aduriz, 68. min), Muniain (Susaeta, 83. min) eta Sabin Merino.
Golak: 0-1, 73. min: Sabin Merino. 0-2, 77. min: Muniain. 0-3, 80. min: Aduriz.
Epailea: Gil Manzano.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.