Athleticek eta Vila-realek berdindu egin dute San Mamesen (0-0)
Athleticek eta Vila-realek hutsean berdindu dute San Mamesen jokatutako Liga partida. Neurketa oso borrokatua eta bizia jokatu dute, eta bi taldeek 10 jokalarirekin amaitu dute norgehiagoka. Williamsek eta San Josek ezin izango dute datorren astean Real Madrilen aurka jokatu. Aurrelari gazteari bi txartel hori atera dizkio epaileak, eta San Joseri, berriz, bere bosgarrena erakutsi dio.
Lehen zatian, zuri-gorrien errendimendua jaisten joan da, minutuek aurrera egin ahala. Jokoa kontrolatu dute, baina sakontasuna, eta, batez ere, errematea falta izan zaie. Hala ere, neurketako lehen aukera argia Roberto Soldadok izan du bigarren minutuan. Soldako Iraizozen aurrean geratu da, bakar-bakarrik, eta atezaina zuhur ibili da baloia bigarren saiakera harrapatzeko.
Iñaki Williams izan da Athleticen jokalaririk arriskutsuena lehen zatian; Adurizek, berriz, oso gutxi sartu da jokoan. Williamsek bi aukera argi izan ditu, baina bietan baloia kanpora joan zaio, gutxigatik.
Marcelinoren taldeari dagokionez, arrisku gutxi sortu du. Atzean sartuta izan dira, bizkaitarrak kontraerasoan harrapatzeko asmoz.
Atsedenaldiaren ostean, partida hautsi egin da. Athleticek jokoaren kontrola galdu du, eta talde horiak aurrera pausoa eman du. Hala ere, gol aukera argi oso gutxi izan dira.
Williams, kaleratuta
Aukerarik argiena Roberto Soldadok izan du 83. Minutuan, baina bere errematea kornerrera urrundu du Gorka Iraizozek. Azken minutuetan, epaileak Iñaki Williams eta Bonera italiarra egotzi ditu, biei bi bigarren txartel horia atera ostean. Williamsek ezin izango du Bernabeun jokatu, ezta San Josek ere. Nafarrari bere bosgarren txartel horia atera diote.
Azkenean, golik gabeko berdinketa San Mamesen. Bidezko emaitza, zelaian ikusitakoaren arabera.
Fitxa teknikoa:
0 - Athletic: Iraizoz; Lekue, Bóveda, Laporte, Balenziaga; San José (Iturraspe, 87. min), Beñat; Williams, Eraso (Muniain, 71. min), Susaeta (Sabin Merino, 63. min); eta Aduriz.
0 - Vila-real: Areola; Mario, Musacchio (Bonera, 72. min), Víctor Ruiz, Jaume Costa; Jonathan Dos Santos (Samu Castillejo, 78. min), Bruno, Trigueros, Denis Suárez; Bakambu (Leo Baptistao, 46. min) eta Soldado.
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.