Zigor handiegia Athleticentzat (1-0)
Athleticek ez du porrota merezi izan, Cornella-El Prat zelaian Espanyolen aurka jokatutako neurketan. Sergio Gonzalezen taldeak gola egitea lortu du, Iraizozen ate barrura egindako jaurtiketa bakarrean. Sari handiegia kataluniarrentzat, eta zigor handiegia lehoientzat. Espanyolek aurrea hartu dio Athletici sailkapenean.
Lehen ordu erdian ez da gol-aukerarik izan. Athletic, hori bai, nagusi izan da zelaian, eta baloiaren jabetza zuri-gorriena izan da. Baina bilbotarren jokoak ez du sakontasunik ezta errematerik ere izan, eta horrela ezinezkoa da baloiaren jabetzari etekinik ateratzea.
Espanyol, berriz, kontraerasoan saiatu da, baina Gorkarengana hurbildu diren aldi apurretan ez dute kataluniarrek arrisku seriorik sortu lehen 35 minutuetan.
Minutuek aurrera egin ahala, partida orekatu egin da, baina jokoan tentsio falta handia nabarmendu da. Horrelakoetan, golak ezustekoan iristen dira, eta hori gertatu zaio Valverderen taldeari: baloia zelai erdian galdu dute, Victor Alvarezek Sergio Garciari eman dio, eta honek baloia Iraizozen atean sartu du. 1 eta 0, 37. minutuan. Golarena, hiru zutoinen artean egindako jaurtiketa bakarra izan da lehen zati osoan.
Bigarren zatia
Bigarren zatia lehenengoa amaitu bezala hasi da: lehoiak lo, eta Espanyol hobeto baloia jokatzeko orduan.
Taldea 53. minutuan esnatu da, Gurpegik buruz errematatu du Beñatek ateratako kornerra. Errematea gora joan zaio, gutxigatik. Ibai eta Susaeta zelaian sartu ditu Valverdek, Mikel Ricoren eta Guillermoren ordez, eta horrek ere beste bizitasun bat eman dio jokoari.
Aukerak, amaieran
Azken minutuetan, Athleticek erasora jo du, berdinketaren golaren bila. Ibai birritan saiatu da, urruneko erremateen bidez, baina Casilla oso seguru aritu da. Zuri-gorrien gola ez da iritsi.
Aznean, 1 eta 0, Espanyolek aurrea hartu dio Athletici sailkapenean.
Fitxa teknikoa:
1. Espanyol: Casilla; Arbilla, Álvaro, Héctor Moreno, Duarte; Lucas Vázquez (Montañés, 83. min), Abraham (Víctor Sánchez, 68. min), Cañas, Víctor Álvarez; Sergio García eta Stuani (Caicedo, 63. min).
0. Athletic: Iraizoz; Iraola, Gurpegi, Laporte, De Marcos; Mikel San José, Mikel Rico (Ibai, 56. min); Williams, Beñat, Viguera eta Guillermo (Susaeta, 56. min).
Gola: 1-0, 37. min: Sergio García.
Sergio García.Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.