Athleticek, nahi eta ezin
Athleticek puntu mingotsa lortu du etxean Celtarekin berdinduta, partida irabazteko guztia alde izan duenean. Valverderen taldeak aurreko partidetan baino itxura hobea eman du, baina huts egin dute norgehiagoka erabakita uzteko orduan.
Aurreko partidarekin alderatuta, Valverdek aldaketak egin ditu hasierako hamaikakoan: Iraola eta Aduriz Beñaten eta Guillermoren ordez sartu ditu. De Marcos, aldiz, lekuz aldatu du, eta Biasterikoa neurketako protagonistetako bat izan da lehen 45 minutuetan.
Zuri-gorriak erasora atera dira lehen minututik eta galiziarrak euren zelaitik atera ezinda aritu dira. Lehen abisua 4. minutuan eman dute bizkaitarrek: De Marcosen erdiraketak ez du errematatzailerik izan.
Minutu bat geroago, epaileak penaltia adierazi du Athleticen alde: Susaetak eskumatik erdiratu du, De Marcosek buruarekin jo, eta baloiak Sergi Gomez atzelariaren besoan jo du. Adurizek jaurti eta sartu du penaltia. 1-0.
Bilbotarrek jo eta ke jarraitu dute erasoan eta 23. minutuan Aritz Aduriz bigarren gola egitear izan da, baina bere burukada bortitza Sergio atezainak atera du, bikain, eskua erabilita.
Lehen ordu erdia igaro eta zuri-gorriek indarra galdu dute. Celta egoera aprobetxatzen saiatu da, partida berdintzeko, eta arriskua sortu dute Iraizozen atearen inguruan. Nolitok eta Orellanak sortu dituzte aukera garbienak, baina, Athleticen mesederako, ez dute azken metroetan asmatu.
Jokoz kanpo eztabaidagarria
Bigarren zatia hasi eta berehala, jokaldi eztabaidagarria. Epaileak baliorik gabe utzi du Aritz Adurizek egindako gola, jokoz kanpo eztabaidagarria adierazita.
Donostiarrak arriskua sortu du, behin eta berriro, Celtaren arean. 66.ean izugarrizko aukera izan du bigarren gola egiteko, baina ez du baloia ate barruan sartzen asmatu, atearen aurrean bakar-bakarrik egonda. Iturrasperen erdiraketa bikaina izan da.
Baina, Athletic ez da partida erabakita uzteko gai izan, eta azkenean Celtak berdinketa lortu du, Nolitori esker, 73. minutuan.
Azkenean, banakoa San Mamesen. Hurrengo hitzordua Oporton dute Valverderen gizonek, asteartean, Txapeldunen Ligan.
Fitxa teknikoa:
1 - Athletic: Iraizoz; Iraola (Beñat, 78. min), Gurpegui, Laporte, Balenziaga; Iturraspe, Rico (Toquero, 81. min); Susaeta, De Marcos, Muniain (Ibai Gómez, 64. min); eta Aduriz.
1 - Celta: Sergio Álvarez; Hugo Mallo, Sergi Gómez, Cabral, Planas; Radoja, Krohn-Dehli (Pablo Hernández, 60. min), Alex López (Charles, 71. min); Orellana, Larrivey (Borja Fernández, 80. min) eta Nolito.
Golak: 1-0, Aduriz, penaltiz, 6. min. 1-1: Nolito, 73. min.
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.