Muniainek bi urtez luzatu du Athleticekin duen kontratua

Iker Muniainek Athleticekin duen kontratua beste bi urtez luzatu du eta, ondorioz, 2017ko ekainaren 30a arte izango da talde zurigorrian.

Horrez gain, kontratua desegiteko klausula 37,5 milioi eurotik 45 milioira handitzea adostu dute bi aldeek. Kontratu luzatze honekin, Athleticek jokalari garrantzitsu baten jarraipena ziurtatu du, Ander Herrera Manchester Unitedera joan ostean.

Athleticek ohar baten bidez eman du akordioaren berri eta, horrenbestez, jokalari nafarrak taldea uzteko azkenaldian sortu diren zurrumurruak amaitu dira.