Beste partida bati buelta eman dio Athleticek San Mamesen
San Mamesek Athleticen gotorlekua izaten jarraitzen du. Beste behingoz, bilbotarrak galtzen hasi dira, eta, beste behingoz ere, punturen bat salbatzea lortu dute.
Zuri-gorriek jokoaren kontrola izan dute lehen minutuetan, baina egoera horri ez diote etekin handirik atera. Are gehiago, lehen aukera garbia Levantek izan du, 8. minutuan, baina andaluziarren errematea Iraolak atera du ate azpitik.
Guillermo debutariak ere aukera pare bat izan ditu, garbiena ezkerretik egindako barnekaldi baten ondorioz, baina errematea Keylor Navas atezainaren gorputzera joan zaio.
Bilbotarren aukerarik argiena 28. minutuan izan da: Ibaik ezkerretik erdiratu du eta Susaetak kanpora jaurti du bigarren zutoinean bakar-bakarrik zegoenean. Ate osoa berarentzat izan du Athleticeko jokalariak.
Bost minutu geroago, 33.ean, iritsi da Joaquin Caparrosen taldearen gola: Xumetra eskumatik sartu da Oscar De Marcosen ahulaldia aprobetxatuta eta bere erdiraketa David Barralek birritan errematatu du. Lehenengoa Gorkak gelditu du, baina errebotea Barrali berari joan zaio eta hor ez du barkatu.
Bigarren zatian, Valverdek bi aldaketa egin ditu: Aduriz eta Mikel Rico sartu dira, Beñaten eta Muniainen ordez. Eta eraginkorrak izan dira. Levantek bigarrena egiteko aukera izan du Rubenen bidez, baina aukera gehienak Athleticek sortu ditu.
Aduriz, gola eta txartel gorria
61. minutuan Athletic berdinketa lortzear izan da, baina Aritz Adurizen burukadari erantzun paregabea eman dio Navas atezainak.
9 minutu geroago iritsi da zuri-gorrien gola: Levanteko atezainak ez du baloia behar bezala urrundu eta Mikel Ricok boleaz gola egin du.
Valverderenek ez zeuden konforme eta garaipenaren bila joan dira. Ahaleginak saria izan du 84. minutuan: Iturraspek erdiraketa bikaina egin du eta Aritz Adurizek sekulako gola sartu du buruz. Handik gutxira, aurrelari donostiarrari txartel gorria atera dio epaileak, aurkari bati heltzeagatik.
Azkenean, garaipena Athleticentzat izan da: urrezko hiru puntu zuri-gorrientzat.
Fitxa teknikoa:
2 - Athletic: Iraizoz; Iraola, Gurpegui, Laporte, De Marcos; Iturraspe, Beñat (Rico, 46); Susaeta, Muniain (Aduriz, 46), Ibai Gómez; eta Guillermo (Toquero, 68).
1 - Levante: Keylor Navas; Pedro López, El Adoua, Héctor Rodas, Juanfran; Xumetra, Simao, Diop (Nong, 87), Ivanschitz (Nikos, 63); Rubén eta Barral (El Zhar, 76).
Golak: 0-1, 33. min: Barral. 1-1, 71 min.: Rico. 2-1, 83 min.: Aduriz.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.