Agindutakoa bete eta amaren abizenekin zelairatu zen Athletic

Liga Txapelketak jokalariek egindako eskaera onartzea erabaki zuen eta zuri-gorriek euren amen abizenak eraman zituzten kamisetetan.

Amaren abizena bizkarrean zutela jokatu zuten Athleticeko jokalariek Vigon. Argazkia: EFE

ERREDAKZIOA

2013/05/03 - 18:18

Azken eguneratzea

2013/05/04 - 13:50

Athleticeko jokalariek egindako eskaera onartu egin zuen Liga Txapelketak eta kamisetan bakoitzaren amaren izena eramateko baimena eman zien Celtaren aurkako partidan.

Gauzak horrela, Marcelo Bielsak izen ezezagunez osatutako hamaikakoa zelairatu zuen Balaidosen, jokalarien aurpegiak aski ezagunak baziren ere: Moreno (Iraizoz), atean; Sagarna (Iraola), Dominguez (San Jose), Imaz (Ekiza) eta Borde (Aurtenetxe) atzeko lerroan; Laskurain (Susaeta), Nausia (Gurpegui), Derteano (Iturraspe), Arana (De Marcos) eta Goñi (Muniain) zelai erdian eta Zubeldia (Aduriz) erasoan.

Aulkian Mateos (Raul), Chimeno (Ramalho), Torres (Llorente), Pinedo (Toquero), Perez (Ibai Gomez), Aranburu (Castillo) eta Blanco (Isma Lopez) egon dira.