Gehiegi barkatu du Athleticek
Puntu bat eskuratu du Athleticek Celtaren aurka, Balaidosen jokatutako partidan (1-1). Bigarren zatian, gehiegi barkatu dute zuri-gorriek eta berdinketarekin konformatu behar dute. De Marcosek egin du bilbotarren gola, eta Iago Aspasek banakoarena.
Gol aukera ugarikoa izan da Balaidosen jokatutako lehen zatia. Zuri-gorriek hasi dute partida hobeto, eta aurreneko abisua Aritz Adurizena izan da 5. minutuan. De Marcosek, 9.ean, eta Iturraspek, 13.ean, markagailua estreinatzeko abagune onak izan dituzte, baina arabarrak kanpora bidali du baloia, eta Abadiñokoak langara bidali du, buruz.
Baina minutuek aurrera egin ahala, partida orekatu da, eta Celta izan da arrisku gehien sortu duen taldea. Une horretara arte ia desagertuta egon den Iago Aspasek lana eman die Athleticeko atzelariei eta baita Gorka Iraizoz atezainari ere. Athletic indarrik gabe aritu da lehen zatiko azken minutuetan, baina kontraeraso on batean gola egin du Oscar de Marcosek. Adurizek penalti puntuan jarri dio baloia, eta arabarrak Varas gainditu du.
Bigarren zatiaren hasiera eroa izan da, eta atsedenik gabe, arriskua izan da nagusi area bietan. Baina hurrengo minutuetan partida erabakita uzteko hainbat aukera paregabe izan ditu Athleticek. Gol aukera garbienak Ibairentzat eta Adurizentzat izan dira, baina baloiak ez du marra gainditu.
Amaierara heltzeko hamabost minuturen faltan, Fernando Llorente zelairatu da Aritz Adurizen ordez, eta justu momento horretan partida berdintzeko zorian izan da Mario Bermejo. Baina banakoaren Iago Aspasek egin du, 83. minutuan, erremate gurutzatu bati esker.
Zuri-gorriek ezin izan dute matematikoki salbazioa ziurtatu, eta itxaron beharko dute. Hurrengo larunbatean, Mallorca hartuko dute San Mamesen, 16:00etatik aurrera.
Fitxa teknikoa:
1 - Celta Vigo: Javi Varas; Jonny, Vila, Tuñez, Bellvis; Borja Oubiña, Madinda; Augusto Fernandez (Toni, 76'), Alex Lopez (Orellana, 60'), Krohn Dehli (Bermejo, 67'); Iago Aspas.
1 - Athletic: Iraizoz; Iraola, San Jose, Ekiza, Aurtenetxe; Gurpegui; Susaeta, De Marcos, Iturraspe (Ibai, 59'), Muniain; Aduriz (Llorente, 76').
Golak:
0-1 De Marcos, 42';
1-1 Iago Aspas, 83';
Horrelakoa izan da partida eitb.com-en
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.