Llorentek Juventusen jokatuko du datozen lau denboraldietan
Fernando Llorente Athleticeko aurrelariak lau urteko kontratua sinatu du Juventusekin. Italiako taldera uztailaren 1ean helduko da, Turineko taldeak gaur baieztatu duenez.
Llorenteren kontratua aurten amaitzen da Athleticen, eta Juventusekin 2017ra arte jokatuko du. Aurrelariak denboraldi bakoitzean jasoko duen soldata ez du zehaztu Italiako taldeak, baina bertako prentsak 4,5 milioi euro izango direla zabaldu du.
Juventusek agiri batean azaldu duenez, Errioxako jokalariak Athleticen jarraituko du denboraldia amaitu arte. Italiako taldeak azken unera arte itxaron du; izan ere, urtarrilean bertan Turinera eramatea nahi zuen.
Iaz elastiko zuri-gorriarekin 29 gol sartu zituen Llorentek, eta Espainiako selekzioarekin Eurokopa eta Munduko Kopa irabazi ditu. Horrela, munduko talde askok fitxatu nahi izan dute, eta jokalariak Bizkaiko taldearekin harremanak hautsi ditu.
Athleticekin kontratua berritzeko Llorentek 5,5 milioi euroko soldata eskatu zuen, baina talde zuri-gorriko zuzendariek milioi bat gutxiago eskaini zioten, eta negoziaketak bertan behera geratu ziren.
"Benetako aurrelari bat"
Llorenteren "fisiko indartsua" azpimarratu du Juventusek; izan ere, "area txikian benetako aurrelaria da eta teknika oso ona du".
Antonio Conte Juventuseko entrenatzaileak Mirko Vucinic Montenegroko aurrelariari erasoan laguntzeko jokalari bat behar zuen. Sebastian Giovinco aurrelariak ez du denboraldi honetan mailarik eman eta Contek alternatiba bat nahi zuen.
"Bilbon oso ondo jokatu duen jokalari bat da, eta gainera datorren denboraldian aske geratuko da (...) Juve aukeratuz gero oso zoriontsu izango gara", esan zuen Contek duela egun batzuk.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.