Athletic, ezinean Zaragozaren aurka
Athleticek zortzigarren porrota jaso du Ligan Zaragozaren aurka, San Mamesen, galduta (0-2). Athletic baino gehiago izan da Zaragoza, etxeko taldeak partida makala eta bizitasunik gabekoa jokatu baitu.
Aurreneko minutuak parekatuak izan dira San Mamesen, baina Zaragozaren jokoak hobera egin du erdi lo geratu den Athleticen aurka. Talde zuri-gorria baloiaren jabetza eskuratzen saiatu da, baina Zaragoza ondo ari zen, eta Athleticek kostata gainditu du zelaierdia.
Neurketako aurreneko gol aukera Zaragozarentzat izan da, baina Victor Rodriguezen bolea kanpora joan da. Bi minutu geroago, gola egiteko abagunea izan du Iker Muniainek. Baina bilbotarren argiena Oscar de Marcosek izan du 18.ean. Roberto goitik gainditu nahi izan du, baina atezainak sorbaldarekin urrundu du baloia.
30. minutuan, markagailua estreinatu du Zaragozak. Aurtenetxek penaltia egin dio Victor Rodriguezi, eta Apoñok ez du hamaika metroetatik kale egin. Partida maldan gora jarri zaio Athletici, eta, are gehiago, Postigak bigarrena egin duenean (41. minutuan). Iraizozek aurreneko errematea urrundu du, baina aldaratzea Helder Postigari heldu zaio, eta atezain nafarrak ezin izan du gola saihestu.
Bigarren zatian, nahi eta ezinean aritu da Athletic. Gola nahi zuen, baina atzean zein erasoan makal aritu da. Zaragoza lasai zegoen, eta, gainera, gol aukera gehiago izan ditu. 54.ean 0-3koa sartzeko abagune ona izan du Postigak. Minutuek aurrera jarraitzen zuten, baina Athletic ez da gola egiteko gai izan. Aukerak izan ditu, baina eskainitako irudia ahula izan da.
Gabonak sailkapen nagusiko 13. postuan igaroko ditu Athleticek, 21 punturekin. 2013.eko urtarrilaren 5ean Levanteri bisita egin dio talde zuri-gorriak, urte berriaren aurreneko norgehiagokan.
Fitxa teknikoa:
0 - Athletic: Iraizoz; Iraola, Ekiza, Laporte, Aurtenetxe (Igor Martinez, 46'); San Jose; Ibai, Herrera, Toquero, Muniain (Llorente, 68'); eta Aduriz.
2 - Zaragoza: Roberto; Sapunaru, Loovens, Alvaro, Abraham; Movilla, Apoño; Zuculini (Stefan, 74'), Victor (Edu Oriol, 70'), Montañes (Jose Mari, 85'); eta Postiga.
Golak:
0-1, 31': Apoño, penaltiz.
0-2, 41': Helder Postiga.
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.