Athleticek garaipen garrantzitsua lortu du San Mamesen
Athleticek garaipen garrantzitsua eskuratu zuen Celtaren aurka San Mamesen. Adurizek sartu zuen partidako gol bakarra, 33. minutuan (1-0). Igandean eskuratutako hiru puntuei esker, jaitsiera postuetatik aldentzen da talde zuri-gorria.
Partida hasieran parekotasuna izan zen nagusi, eta bi taldeei asko kosta zitzaien abaguneak sortzea. Iago Aspasek area kanpotik egindako jaurtiketa bat, eta Aurtenetxek eragotzi duen Mario Bermejoren errematea izan dira lehen hogeita bost minutuetako abagune bakarrak. Hurrengo jokaldian Ibai Gomezek Athleticen lehen abagunea sortu zuen area kanpotik egindako jaurtiketa desbideratu batekin.
Une horretan hasi zen Athletic hobeto jokatzen, eta Celtak defendatzen zuen ate ingurura arriskuarekin iristen hasi zen. Ondorioz, 33. minutuan Adurizek 1-0ekoa sartu zuen Ibairen erdiraketari amaiera bikaina emanez.
Gola hartuta Celta saiatu zen berdinketa bilatzen, baina Athleticek ondo egin zuen lan defentsa lerroan, eta talde galiziarrak ez zuen abagunerik sortzeko aukerarik izan. Horrenbestez, partida Athleticen aldeko 1-0ekoarekin iritsi zen atsedenaldira.
Bigarren zatia ero hasi zen, baina abaguneak urriak izan ziren. Area barruan jokaldi nahasiak sortzen zituen Celtak, eta Athleticeko defentsak ez zuen arazo gehiegirik izan. Lehen minutuak pasata Athletic nagusitzen hasi zen, eta aurkariaren ate ingurura arriskuarekin iristen hasi ziren zuri-gorriak. 2-0ekoa gertu zegoela ematen zuen, baina De Lucasek berdinketa lortzeko aukera izan zuen 71. minutuan. Iraizozek bikain erantzun zuen De Lucasen aurkako buruz burukoan.
Azken minutuetan Celtak baloi luzeen bitartez min egin nahi zion Athletici, baina Bielsak zuzentzen duen taldeak ez du arazo handiegirik izan defentsako lanean. Partidako azken minutuan Krohn-Delhik berdinketa lortzeko aukera izan zuen, baina bere jaurtiketa zutoina urratuz kanpora joan zen. Horrenbestez, talde bizkaitarrak garaipena lortu zuen 1-0eko emaitzarekin.
Fitxa teknikoa:
1 - Athletic: Iraizoz; Ramalho, Ekiza, Amorebieta, Aurtenetxe; San Jose; Susaeta (Toquero, 88. min), De Marcos, Herrera (Laporte, 90. min), Ibai (Muniain, 76. min); eta Aduriz.
0 - Celta: Javi Varas; Hugo Mallo, Vila, Tuñez, Roberto Lago; Natxo Insa (De Lucas, 60. min), Oubiña; Augusto Fernández, Bermejo (Toni, 75. min), Krohn-Dehli; Iago Aspas.
Gola: 1-0, 33. min: Aduriz.
Epailea: Fernando Teixeira Vitienes.
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.