Athletic, nahi eta ezin
Bana egin du Athleticek San Mamesen, Deportivoren aurka. Gehiago merezi izan du Bilboko taldeak, baina ezin izan ditu hiru puntuak eskuratu.
Joko ona egin dute zuri-gorriek lehen zatian. Hasierako minutuetan galduta ibili diren arren, laster eman diote partidari eman beharreko erritmoa eta intentsitatea.
Etxekoen aurreneko gol aukera garbia Oscar de Marcosentzat izan da (8. minutuan), baina indarrik gabeko jaurtiketa izan da eta arazo barik gelditu du German Lux atezainak. 18. minutuan aukera bikoitza izan du Llorentek. Lehenengoan langara bidali du baloia, buruz, eta bigarrenean, aldaratzea berari erori zaionean, ezin izan du Lux gainditu. 20.ean, ezustekoa eman diete Ekizak eta Iraizozek zaleei. Ez dira ondo ulertu eta baloia kornerrera joan da, zorionez.
24.ean, markagailua estreinatu du De Marcosek Athleticen gola sartuta: Susaetak pase bikaina eman dio, eta gasteiztarrak ez du ezkerreko hankarekin huts egin. Aste honetan hil den Alfonso Ruiz fisioterapeutari eskaini dio gola De Marcosek.
Bigarrena nahi zuen talde zuri-gorriak, eta Iturraspe urrutitik saiatu da 31. minutuan. 38.ean, Llorenterentzat izan da abagunea, eta gutxigatik, kanpora bidali du baloia. Lehenago txistuak entzun behar izan dituen arren, une horretan zaleen babesa jaso du Ricon de Sotokoak.
Bigarren zatia gorabeheratsuagoa izan da. 53.ean, neurkerta berdindu du Abel Aguilarrek. Kolonbiarrak Juan Carlos Valeronen erdiraketa baliatu du Gorka Iraizozek defendatutako atea zulatzeko.
Lanean jarraitu du Athleticek, bigarren golaren bila, baina urduritasuna nabariagoa zen. Aukera asko sortu ditu etxeko taldeak; Llorentek, Ibai Gomezek, Iraolak...baina baloia ez da sartu. Azken minutuetan, gainera, arrisku handiarekin hurbildu da Deportivo Athleticen areara.
Fitxa teknikoa:
1 - Athletic: Iraizoz; Iraola, Ekiza, Amorebieta, Aurtenetxe (Ibai, 70'); Iturraspe; Susaeta, Herrera, De Marcos, Muniain; eta Llorente.
1 - Deportivo: Lux; Laure, Aythami, Roderick (Insua, 80'), Ayoze; Alex Bergantiños, Abel Aguilar; Bruno Gama, Valeron (Camuñas, 72'), Pizzi; eta Riki (Bodipo, 84').
Golak:
1-0, 23': De Marcos.
1-1, 52': Abel Aguilar.
Horrelakoa izan da partida eitb.com-en
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.